കമന്റടിച്ചത് ചോദ്യം ചെയ്തു; പെൺകുട്ടികൾക്ക് നേരെ സദാചാര ആക്രമണവും ക്രൂരമർദ്ദനവും

കൊച്ചി: (KVARTHA) കലൂരിൽ പുലർച്ചെ നടന്നുപോവുകയായിരുന്ന പെൺകുട്ടികൾക്ക് നേരെ ഒരു സംഘത്തിൻ്റെ അതിക്രമം. കമന്റടിച്ചത് ചോദ്യം ചെയ്തതാണ് ക്രൂരമായ മർദ്ദനത്തിൽ കലാശിച്ചതെന്നാണ് പരാതി. ആക്രമണത്തിൽ പരിക്കേറ്റ ഒരു പെൺകുട്ടിയെ എറണാകുളം ജനറൽ ആശുപത്രിയിൽ പ്രവേശിപ്പിച്ചു.

റോഡിലൂടെ വലിച്ചിഴച്ചു

രാവിലെ റൂമിലേക്ക് നടന്നുപോകുന്നതിനിടെയാണ് ഒരു സംഘം യുവാക്കൾ പെൺകുട്ടികളോട് മോശമായി സംസാരിച്ചത്. സംഘത്തിൽ മറ്റ് ചില പെൺകുട്ടികളും ഉണ്ടായിരുന്നു. കമന്റടിച്ചത് ചോദ്യം ചെയ്തതോടെ ഇവരെ തടഞ്ഞു നിർത്തി ആക്രമിക്കുകയായിരുന്നുവെന്ന് പരിക്കേറ്റവരുടെ സുഹൃത്ത് ആരോപിച്ചു. 

മുടിയിൽ പിടിച്ച് വലിക്കുകയും നിലത്തിട്ട് ചവിട്ടുകയും ചെയ്തു. ഒരു പെൺകുട്ടിയെ റോഡിലൂടെ വലിച്ചിഴക്കുകയും വസ്ത്രം വലിച്ചു കീറാൻ ശ്രമിക്കുകയും ചെയ്തുവെന്നാണ് പരാതി. ഈ ദൃശ്യങ്ങൾ ചിത്രീകരിക്കാൻ ശ്രമിച്ചപ്പോൾ കൈ പിടിച്ചുതിരിച്ച് ഫോൺ പിടിച്ചുവാങ്ങി നിലത്തേക്ക് എറിഞ്ഞു പൊട്ടിച്ചു. പെൺകുട്ടികളുടെ കഴുത്തിലുൾപ്പടെ മർദ്ദനമേറ്റ പാടുകളുണ്ട്.

പൊലീസിനെതിരെയും ആരോപണം

ആശുപത്രിയിൽ വിവരമന്വേഷിക്കാൻ എത്തിയ പൊലീസുകാരനിൽ നിന്നും മോശമായ അനുഭവമാണ് ഉണ്ടായതെന്നും സുഹൃത്തുക്കൾ പറയുന്നു. പുലർച്ചെ നാലരയ്ക്ക് എന്തിനാണ് പുറത്തേക്ക് ഇറങ്ങിയതെന്നാണ് പൊലീസുകാരൻ ചോദിച്ചത്. 

കൂടാതെ പെൺകുട്ടികളുടെ വസ്ത്രധാരണത്തെയും പൊലീസ് ചോദ്യം ചെയ്തുവെന്ന് സുഹൃത്തുക്കൾ ആരോപിച്ചു. അതേസമയം സംഭവത്തിൽ പ്രതികളായ എട്ട് പേർ അടങ്ങുന്ന അക്രമി സംഘത്തിനായി അന്വേഷണം ആരംഭിച്ചതായി പൊലീസ് വ്യക്തമാക്കി.

സ്ത്രീകൾക്ക് നേരെയുള്ള ഈ അതിക്രമ വാർത്തകൾ നിങ്ങളുടെ സുഹൃത്തുക്കൾക്കും ഗ്രൂപ്പുകളിലും ഷെയർ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. കൂടുതൽ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക.

Article Summary: A group of girls was brutally attacked and dragged on the road by an eight-member gang in Kaloor, Kochi early morning after they questioned eve-teasing. One injured girl was admitted to the Ernakulam General Hospital, while friends alleged moral policing behavior from the police who arrived at the hospital.

#KochiNews #Kaloor #WomenSafety #MoralPolicing #KeralaPolice #Ernakulam #MalayalamNews