കണ്ണൂരിൽ ബ്രൗൺ ഷുഗറുമായി യുവാവ് പിടിയിൽ

കണ്ണൂർ: (KVARTHA) നഗരത്തിൽ ലഹരിമരുന്ന് വേട്ടയുടെ ഭാഗമായി ഒരാൾ അറസ്റ്റിൽ. എം രഞ്ചിത്തിനെയാണ് ബ്രൗൺ ഷുഗറുമായി കണ്ണൂർ സിറ്റി പൊലീസ് പിടികൂടിയത്. ഇയാളിൽ നിന്ന് 2.79 ഗ്രാം ബ്രൗൺ ഷുഗർ പിടിച്ചെടുത്തതായി പൊലീസ് അറിയിച്ചു.

കണ്ണൂർ സിറ്റി ഇൻസ്പെക്ടർ കെ. സനിൽകുമാറിൻ്റെ നിർദ്ദേശപ്രകാരം നടത്തിയ പ്രത്യേക പരിശോധനയിലാണ് പ്രതി വലയിലായത്. എം രഞ്ചിത്ത് മയക്കുമരുന്ന് ഇടപാട് നടത്തുന്നതായി പൊലീസിന് രഹസ്യവിവരം ലഭിച്ചിരുന്നു. 

ഈ വിവരത്തിൻ്റെ അടിസ്ഥാനത്തിൽ നടത്തിയ നീക്കത്തിനൊടുവിൽ സിറ്റി എസ്.ഐ കെ.കെ രേഷ്മയുടെ നേതൃത്വത്തിലുള്ള സംഘം പ്രതിയെ സാഹസികമായി പിടികൂടുകയായിരുന്നു. അറസ്റ്റിലായ എം രഞ്ചിത്തിനെതിരെ നേരത്തെ കാപ്പ അടക്കമുള്ള നിയമനടപടികൾ സ്വീകരിച്ചിരുന്നതായി പൊലീസ് വ്യക്തമാക്കി. 

എസ്.ഐ കെ.കെ രേഷ്മയെ കൂടാതെ ജൂനിയർ എസ്.ഐ യൂനിസ്, എ എസ്.ഐ രാജേഷ്, എസ്.സി. പി.ഒ താജുദ്ദീൻ, സി.പി.ഒ മാരായ മിഥുൻ, ഷിജേഷ്, ഷജിത്ത്, സനിൽ എന്നിവരടങ്ങിയ പൊലീസ് സംഘമാണ് ലഹരിമരുന്ന് വേട്ടയിൽ പങ്കെടുത്തത്. നഗരത്തിലെ ലഹരി ഇടപാടുകളെക്കുറിച്ച് കൂടുതൽ അന്വേഷണം നടന്നുവരുന്നതായി അധികൃതർ അറിയിച്ചു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവയ്ക്കുക

Article Summary: Youth arrested with Brown Sugar in Kannur during an intensive anti-narcotics operation.

#Kannur #BrownSugar #Arrest #KeralaPolice #AntiDrugDrive #Narcotics