കണ്ണൂർ വനിതാ ജയിലിൽ തടവുകാരിൽനിന്ന് എംഡിഎംഎ പിടികൂടി; രണ്ടുപേർക്കെതിരെ കേസ്

കണ്ണൂർ: (KVARTHA) പള്ളിക്കുന്നിലെ കണ്ണൂർ വനിതാ ജയിലിലും മയക്കുമരുന്ന് പിടികൂടി. രണ്ട് വനിതാ തടവുകാരിൽ നിന്നാണ് സിന്തറ്റിക് മയക്കുമരുന്നായ എംഡിഎംഎ പിടികൂടിയത്. സംഭവത്തിൽ ഇവർക്കെതിരെ കണ്ണൂർ ടൗൺ പൊലീസ് കേസെടുത്തു. കനത്ത സുരക്ഷാ സംവിധാനങ്ങളുള്ള ജയിലിനുള്ളിലേക്ക് തടവുകാർക്ക് മയക്കുമരുന്ന് എത്തിയത് ജയിൽ അധികൃതർക്കിടയിൽ വലിയ സുരക്ഷാ ആശങ്കകൾക്ക് വഴിവെച്ചിട്ടുണ്ട്.

സെല്ലിലെ പരിശോധനയിൽ കുടുങ്ങി

തിങ്കളാഴ്ച വൈകിട്ട് അഞ്ചുമണിയോടെയാണ് തടവുകാരിൽ നിന്ന് മയക്കുമരുന്ന് പിടികൂടിയത്. വനിതാ ജയിൽ സൂപ്രണ്ട് ഇൻചാർജ് സ്മിത പറമ്പന്റെ നേതൃത്വത്തിൽ സെല്ലിൽ നടന്ന അപ്രതീക്ഷിത പരിശോധനയിലാണ് എംഡിഎംഎ കണ്ടെത്തിയത്. 0.30 ഗ്രാം എംഡിഎംഎയാണ് ഇവരിൽ നിന്നും പിടിച്ചെടുത്തത്.

പ്രതികളുടെ വിവരങ്ങൾ

മയക്കുമരുന്ന് കൈവശം വെച്ചതിന് റോഷ്നി സാവിയോ എന്ന സാബിറ, പി.കെ റുബൈദ എന്നി തടവുകാർക്കെതിരെയാണ് ടൗൺ പൊലീസ് കേസെടുത്തിട്ടുള്ളത്.

ഇവർക്ക് ജയിലിനുള്ളിലേക്ക് എങ്ങനെയാണ്, ആരുവഴിയാണ് മയക്കുമരുന്ന് ലഭിച്ചത് എന്നതിനെക്കുറിച്ച് പൊലീസ് വിശദമായ അന്വേഷണം ആരംഭിച്ചിട്ടുണ്ട്. പുറത്തുനിന്ന് ആരുടെയെങ്കിലും സഹായം ഇവർക്ക് ലഭിച്ചിട്ടുണ്ടോ എന്ന കാര്യവും പൊലീസ് സംഘം പരിശോധിക്കുന്നുണ്ട്.

കൂടുതൽ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താൻ മറക്കരുത്. 

Article Summary: Inmates caught with MDMA at Kannur Women's Prison; police file a case.

#KannurNews #KeralaPolice #MDMASeizure #KannurWomensPrison #Kvartha #KeralaCrimeNews #AnjanaNews