തീപിടിത്തത്തിനിടെ സൂപ്പർ മാർക്കറ്റിൽ മോഷണം നടത്തിയ മധ്യവയസ്ക പിടിയിൽ

കണ്ണൂർ: (KVARTHA) തളിപ്പറമ്പ് ബസ് സ്റ്റാൻഡിന് സമീപമുള്ള കെ വി കോംപ്ലക്സിൽ അഗ്നിബാധയുണ്ടായതിനിടെ, സമീപത്തെ സൂപ്പർ മാർക്കറ്റിൽനിന്ന് മോഷണം നടത്തിയ മധ്യവയസ്ക പിടിയിലായി. തളിപ്പറമ്പിലെ നബ്രാസ് ഹൈപ്പർ മാർക്കറ്റിൽ കവർച്ച നടത്തിയ സ്ത്രീയാണ് പിടിയിലായത്.

കഴിഞ്ഞ വ്യാഴാഴ്ച വൈകിട്ട് കെ വി കോംപ്ലക്സിലുണ്ടായ അഗ്നിബാധയിൽ നഗരം നടുങ്ങിനിൽക്കുമ്പോൾ, സ്ത്രീ ഇതിന് സമീപമുള്ള നബ്രാസ് സൂപ്പർ മാർക്കറ്റിൽനിന്ന് പതിനായിരത്തോളം രൂപയുടെ സാധനങ്ങൾ എടുത്ത്, പുറത്ത് അഗ്നിബാധ കാണാൻ തടിച്ചുകൂടിയ ജനക്കൂട്ടത്തിലേക്ക് നടന്നു മറയുകയായിരുന്നു.

ഇവർ സാധനങ്ങൾ എടുക്കുന്നതിന്റെ സിസിടിവി ദൃശ്യങ്ങൾ മാധ്യമങ്ങളിൽ ഏറെ ചർച്ച ചെയ്യപ്പെട്ടിരുന്നു. ഇതുസംബന്ധിച്ച് പോലീസിലും പരാതി നൽകിയിരുന്നു. ഇതിന്റെ അടിസ്ഥാനത്തിലാണ് മധ്യവയസ്കയെ പിടികൂടിയതെന്ന് നബ്രാസ് അധികൃതർ സാമൂഹിക മാധ്യമങ്ങളിലൂടെ അറിയിച്ചു.

മോഷണം നടത്തിയ സ്ത്രീ തളിപ്പറമ്പ് നഗരസഭയിലെ സ്വദേശിയാണ്. ഇവർ കവർന്ന സാധനങ്ങളുടെ വില ഈടാക്കി പോലീസ് താക്കീത് ചെയ്ത് വിട്ടയയ്ക്കുകയായിരുന്നു.

ഈ വാർത്തയെക്കുറിച്ച് നിങ്ങളുടെ അഭിപ്രായം എന്താണ്? കമന്റ് ചെയ്യുക. 

Article Summary: Middle-aged woman arrested in Kannur for opportunistic theft from a supermarket during a fire.

#Kannur #TheftDuringFire #KeralaCrime #Taliparamba #CCTV #OpportunisticCrime