സ്കൂട്ടർ മോഷണം; നിരവധി ക്രിമിനൽ കേസുകളിൽ പ്രതിയായ യുവാവ് സിസിടിവി ദൃശ്യങ്ങൾ വഴി അറസ്റ്റിൽ

കണ്ണൂർ: (KVARTHA) നഗരത്തിൽ നിർത്തിയിട്ട സ്കൂട്ടർ മോഷ്ടിച്ച കേസിൽ നിരവധി ക്രിമിനൽ കേസുകളിൽ മുൻപും പ്രതിയായ യുവാവിനെ കണ്ണൂർ ടൗൺ പോലീസ് അറസ്റ്റ് ചെയ്തു. എടക്കാട് പോലീസ് സ്റ്റേഷൻ പരിധിയിലെ അബ്ദുൽ മുനീറിനെയാണ് (31) കണ്ണൂർ ടൗൺ പോലീസ് വെള്ളിയാഴ്ച്ച രാത്രി ഏഴ് മണിയോടെ പൊതുവാച്ചേരിയിലെ വീട്ടിൽ നിന്നും പിടികൂടിയത്.

മോഷണ വിവരം

കഴിഞ്ഞ സെപ്റ്റംബർ ആറാം തീയതി വൈകിട്ട് മൂന്ന് മണിക്കാണ് കേസിനാസ്പദമായ മോഷണ സംഭവം നടന്നത്. കണ്ണൂർ ചൊവ്വ കോപ്പറേറ്റീവ് ബാങ്കിന് സമീപം സുരക്ഷിതമായി നിർത്തിയിട്ടിരുന്ന സ്കൂട്ടറാണ് അബ്ദുൽ മുനീർ മോഷ്ടിച്ചുകൊണ്ടുപോയത്. തുടർന്ന് പോലീസിൽ ലഭിച്ച പരാതിയുടെ അടിസ്ഥാനത്തിൽ, ഈ സംഭവവുമായി ബന്ധപ്പെട്ട് പോലീസ് നഗരത്തിലെ സി.സി.ടി.വി. കാമറകൾ കേന്ദ്രീകരിച്ചുനടത്തിയ അന്വേഷണത്തിലാണ് പ്രതി പിടിയിലായത്.

അന്വേഷണ സംഘം

കണ്ണൂർ ടൗൺ പോലീസ് സ്റ്റേഷൻ ഇൻസ്പെക്ടർ മഹേഷ് കണ്ടമ്പേത്തിൻ്റെ നിർദേശപ്രകാരം സബ് ഇൻസ്പെക്ടർ ടി. അഖിലിൻ്റെ നേതൃത്വത്തിലുള്ള പ്രത്യേക സംഘമാണ് പ്രതിയെ കസ്റ്റഡിയിലെടുത്തത്. ഈ അന്വേഷണ സംഘത്തിൽ സീനിയർ സിവിൽ പോലീസ് ഓഫീസർമാരായ പി.വി. ബൈജു, എം.എം. ലതീഷ്, സിവിൽ പോലീസ് ഓഫീസർമാരായ വി.കെ. നിഷാന്ത്, സി. രതീഷ്, ബാബു മണി എന്നിവരും ഉണ്ടായിരുന്നു. 

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും പങ്കുവെക്കുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Kannur Town Police arrested a habitual offender for scooter theft.

#Kvartha #KannurPolice #ScooterTheft #KeralaPolice #CrimeNewsKerala #KannurTownPolice #MalayalamNews #CCTVInvestigation #AparnaNews