പുതിയതെരുവിൽ ലഹരിമരുന്നുമായി രണ്ട് യുവാക്കൾ പിടിയിൽ; കാർ എക്സൈസ് കസ്റ്റഡിയിലെടുത്തു

കണ്ണൂർ: (KVARTHA) പുതിയതെരു ഓണപ്പറമ്പിൽ കാറിൽ കടത്തുകയായിരുന്ന മാരക ലഹരിമരുന്നായ മെത്താംഫിറ്റാമിനും കഞ്ചാവുമായി രണ്ടു യുവാക്കളെ എക്സൈസ് സംഘം പിടികൂടി. എം.വി.കെ. അർജുൻ വിജയരാജ് (24), എൻ.എൻ. മുഹമ്മദ് സിനാൻ (23) എന്നിവരെയാണ് കണ്ണൂർ റേഞ്ച് എക്സൈസ് ഇൻസ്പെക്ടർ അക്ഷയും സംഘവും അറസ്റ്റ് ചെയ്തത്.

വാഹന പരിശോധനയ്ക്കിടെ പിടിയിൽ

രഹസ്യവിവരത്തെത്തുടർന്ന് നടത്തിയ വാഹന പരിശോധനയ്ക്കിടെയാണ് പ്രതികൾ സഞ്ചരിച്ച കാറിൽനിന്ന് 9.285 ഗ്രാം മെത്താംഫിറ്റാമിനും 4.85 ഗ്രാം കഞ്ചാവും പിടികൂടിയത്. ലഹരിമരുന്ന് കടത്താൻ ഉപയോഗിച്ച കെ.എൽ. 58 എ.എച്ച്. 1140 നമ്പർ കാർ എക്സൈസ് കസ്റ്റഡിയിലെടുത്തു.

അന്വേഷണ സംഘം

എക്സൈസ് ഇൻസ്പെക്ടർ അക്ഷയ്‌ക്കൊപ്പം അസിസ്റ്റന്റ് എക്സൈസ് ഇൻസ്പെക്ടർ സി.പി. ഷനിൽകുമാർ, അസിസ്റ്റന്റ് എക്സൈസ് ഇൻസ്പെക്ടർ ഗ്രേഡ്മാരായ സന്തോഷ് തൂണോളി, സന്തോഷ് എം.കെ., പ്രിവന്റീവ് ഓഫീസർ ഗ്രേഡ്മാരായ സുജിത്ത് ഇ., സജിത്ത് എം., രജീഷ് രവീന്ദ്രൻ, സിവിൽ എക്സൈസ് ഓഫീസർമാരായ അമൽ ലക്ഷ്മണൻ, ദുലാരി രാജ്, ഡ്രൈവർ ഷജിത്ത് പി. എന്നിവരും എക്സൈസ് സംഘത്തിലുണ്ടായിരുന്നു.

പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യൂ. ഈ വാർത്ത മറ്റുള്ളവരുമായി പങ്കിടാനും അഭിപ്രായങ്ങൾ കമൻ്റായി രേഖപ്പെടുത്താനും മറക്കരുത്.

Article Summary: Two youths were arrested with methamphetamine and cannabis in Kannur Puthiyatheru.

#KannurNews #ExciseRaid #DrugBust #Methamphetamine #KeralaPolice #BreakingNews