വാടക ക്വാർട്ടേഴ്സിൽ താമസിച്ച് വ്യാപക കഞ്ചാവ് വിൽപന; യുവാവ് പിടിയിൽ

കണ്ണൂർ: (KVARTHA) കണ്ണൂരിൽ വീണ്ടും വൻ കഞ്ചാവ് വേട്ടയുമായി എക്സൈസ് സംഘം. ലഹരിവിരുദ്ധ ക്യാമ്പയിനായ ഓപ്പറേഷൻ തൂഫാന്റെ ഭാഗമായി എക്സൈസ് പാർട്ടി പുതിയതെരു ഭാഗത്ത് നടത്തിയ പരിശോധനയിലാണ് അഞ്ചര കിലോ കഞ്ചാവ് പിടികൂടിയത്. സംഭവത്തിൽ  ഇതര സംസ്ഥാന തൊഴിലാളിയായ  സന്ദീപ് കുമാർ സിങ്ങിനെ ഉദ്യോഗസ്ഥർ അറസ്റ്റ് ചെയ്തു. കണ്ണൂർ എക്സൈസ് റേഞ്ച് ഇൻസ്പെക്ടർ അക്ഷയിന്റെ നേതൃത്വത്തിലുള്ള സംഘമാണ് കഞ്ചാവ് വേട്ട നടത്തിയത്.

എക്സൈസ് കമ്മീഷണറുടെ സ്പെഷ്യൽ സ്ക്വാഡ് നൽകിയ രഹസ്യവിവരത്തിന്റെ അടിസ്ഥാനത്തിൽ എടിഎസിന്റെ സഹായത്തോടെയായിരുന്നു പുതിയതെരുവിൽ റെയ്ഡ് നടത്തിയത്. ഇതര സംസ്ഥാന തൊഴിലാളിയെന്ന വ്യാജേന വാടക ക്വാർട്ടേഴ്സിൽ താമസിച്ചാണ് പ്രതി വ്യാപകമായി കഞ്ചാവ് വിൽപന നടത്തിയിരുന്നതെന്ന് അന്വേഷണത്തിൽ വ്യക്തമായി. അറസ്റ്റിലായ സന്ദീപ് കുമാർ സിങ്ങിനെ കോടതിയിൽ ഹാജരാക്കി റിമാൻഡ് ചെയ്തു.

നാട്ടിലെ വാർത്തകൾ  അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ ഈ വാർത്തയുടെ  പോസ്റ്റിന് താഴെ കമന്റായി രേഖപ്പെടുത്താൻ മറക്കരുത്.

Article Summary: Excise officials arrested 5.5 kg of ganja in Kannur during an 'Operation Toofan' raid, uncovering his disguise as a migrant worker staying in rented quarters to sell drugs.

#KannurNews #KeralaExcise #OperationToofan #GanjaSeized #KeralaPolice #DrugBust #MalayalamNews # AnjanaNews