കണ്ണൂർ നഗരത്തിൽ വൻ മയക്കുമരുന്ന് പിടികൂടി: പ്രധാന കണ്ണികൾ കുടുങ്ങുന്നു

കണ്ണൂർ: (KVARTHA) നഗരത്തിനടുത്ത് കക്കാട് വീണ്ടും വൻ മയക്കുമരുന്ന് വേട്ട. ഏകദേശം 45 ഗ്രാം എം.ഡി.എം.എ.യുമായി യാസർ അറാഫത്തിനെ കണ്ണൂർ ടൗൺ ഇൻസ്പെക്ടർ ശ്രീജിത്ത് കൊടേരിയുടെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തു.

കണ്ണൂർ സിറ്റി പോലീസ് കമ്മീഷണർ പി. നിതിൻ രാജിന്റെയും എ.സി.പി. പ്രദീപൻ കണ്ണിപ്പൊയിലിന്റെയും നിർദ്ദേശപ്രകാരം നടത്തിയ പരിശോധനയിലാണ് വാഹനത്തിൽ കടത്തുകയായിരുന്ന മയക്കുമരുന്ന് പിടികൂടിയത്. 

പ്രതിയുടെ പോക്കറ്റിൽ നിന്നും കക്കാട്ടെ വീട്ടിൽ നിന്നുമാണ് മയക്കുമരുന്ന് കണ്ടെത്തിയത്. പ്രതി കണ്ണൂർ കോർപ്പറേഷൻ കേന്ദ്രീകരിച്ച് മയക്കുമരുന്ന് വിൽപന നടത്തിവരികയായിരുന്നുവെന്ന് പോലീസ് അറിയിച്ചു.

ലഹരി വിരുദ്ധ പോരാട്ടങ്ങൾ വിജയിക്കാൻ എന്താണ് ചെയ്യേണ്ടത്? നിങ്ങളുടെ അഭിപ്രായം പങ്കുവയ്ക്കൂ.

Article Summary: A man was arrested with a large quantity of MDMA in Kannur.

#Kannur #MDMA #DrugBust #Kerala #Police #CrimeNews