ഓടുന്ന ബസിൽ യാത്രക്കാരൻ്റെ പോക്കറ്റടി ശ്രമം; നിരവധി കേസുകളിലെ പ്രതിയായ യുവാവ് കണ്ണൂരിൽ ടൗൺ പോലീസിൻ്റെ പിടിയിൽ

കണ്ണൂർ: (KVARTHA) സ്വകാര്യ ബസിൽ യാത്ര ചെയ്യുകയായിരുന്ന വയോധികന്റെ പോക്കറ്റടിക്കാൻ ശ്രമിച്ചെന്ന കേസിൽ യുവാവ് കണ്ണൂരിൽ പിടിയിലായി. കെ. ജാഫർ (37) ആണ് കണ്ണൂർ ടൗൺ പോലീസിന്റെ പിടിയിലായത്. ടൗൺ സിഐ പി എ ബിനുമോഹൻ്റെ നേതൃത്വത്തിലുള്ള പോലീസ് സംഘമാണ് ഇയാളെ പിടികൂടിയത്.

തിങ്കളാഴ്ച കാലത്ത് കാഞ്ഞിരോട് നിന്നു കണ്ണൂർ ഭാഗത്തേക്ക് വരികയായിരുന്ന സ്വകാര്യ ബസിൽ വെച്ചാണ് സംഭവമെന്ന് പൊലീസ് പറഞ്ഞു. ബസിൽ യാത്ര ചെയ്യുകയായിരുന്ന ഒരു വയോധികൻ്റെ പണമടങ്ങിയ പേഴ്സ് മോഷ്ടിക്കാൻ കെ ജാഫർ ശ്രമിക്കുകയായിരുന്നുവെന്നും എന്നാൽ, ഇയാൾ പേഴ്സ് എടുക്കുന്നത് മറ്റൊരു യാത്രക്കാരൻ കണ്ടതോടെയാണ് മോഷണശ്രമം പാളുകയായിരുവെന്നും പൊലീസ് പറഞ്ഞു.

മോഷണ ശ്രമം ശ്രദ്ധയിൽപ്പെട്ടതിനെ തുടർന്ന് മറ്റ് യാത്രക്കാരെ വിവരമറിയിച്ച ശേഷം ഉടൻ തന്നെ ബസ് നേരെ കണ്ണൂർ ടൗൺപോലീസ് സ്റ്റേഷനിലേക്ക് എടുക്കുകയായിരുന്നു. സ്റ്റേഷനിലെത്തിച്ച പ്രതിയെ ടൗൺ സിഐ ബിനുമോഹൻ്റെ നേതൃത്വത്തിൽ ചോദ്യം ചെയ്തു. ചോദ്യം ചെയ്യലിലാണ് ജാഫർ കുറ്റം സമ്മതിച്ചതെന്നാണ് വിവരം.

അറസ്റ്റിലായ കെ ജാഫർ നേരത്തെയും നിരവധി പോക്കറ്റടിക്കേസുകളിൽ പ്രതിയാണെന്ന് കണ്ടെത്തിയതായി പോലീസ് അറിയിച്ചു. ഇയാളുടെ പേരിൽ വിവിധ സ്റ്റേഷനുകളിലായി കേസുകൾ രജിസ്റ്റർ ചെയ്തിട്ടുണ്ടെന്നാണ് പൊലീസ് പറയുന്നത്. പ്രതിയെ അറസ്റ്റ് രേഖപ്പെടുത്തിയ ശേഷം കോടതിയിൽ ഹാജരാക്കി.

പൊതുഗതാഗതത്തിൽ യാത്ര ചെയ്യുമ്പോൾ എല്ലാവരും ജാഗ്രത പാലിക്കേണ്ടതിൻ്റെ പ്രാധാന്യം എത്രത്തോളമുണ്ട്? കമൻ്റ് ചെയ്യുക.

Article Summary: Man arrested in Kannur for attempted pickpocketing on bus; police confirm involvement in past theft cases.

#Kannur #Pickpocket #CrimeNews #KeralaPolice #BusTheft #TheftAttempt