ഗൾഫിലേക്ക് അച്ചാറല്ല, മയക്കുമരുന്ന്! കുപ്പിയിലെ ലഹരി കെണി, കണ്ണൂരിൽ മൂന്നുപേർ അറസ്റ്റിൽ

കണ്ണൂർ: (KVARTHA) ജില്ല കേന്ദ്രീകരിച്ച് മട്ടന്നൂർ വിമാനത്താവളം വഴി വിദേശത്തേക്ക് മയക്കുമരുന്ന് കടത്താൻ ശ്രമിച്ച ലഹരിസംഘത്തെ പോലീസ് അറസ്റ്റ് ചെയ്തു. ജിസിൻ, ശ്രീലാൽ, അർഷാദ് എന്നിവരെയാണ് ചക്കരക്കൽ പോലീസ് ഇൻസ്പെക്ടറും സംഘവും അറസ്റ്റ് ചെയ്തത്.

വ്യാഴാഴ്ച പുലർച്ചെ 12 മണിയോടെയാണ് സംഭവമുണ്ടായത്. ചക്കരക്കൽ കണയന്നൂർ സ്വദേശി മിഥിലാജിൻ്റെ വീട്ടിലാണ് മയക്കുമരുന്ന് ഒളിപ്പിച്ച അച്ചാർ ബോട്ടിലും ചിപ്‌സും അടങ്ങുന്ന പാഴ്സൽ എത്തിച്ചത്. ഗൾഫിലേക്ക് മടങ്ങാനിരുന്ന മിഥിലാജിനെയാണ് ഇവർ ലക്ഷ്യമിട്ടത്. അച്ചാർ കുപ്പിയിൽ 2.6 ഗ്രാം എംഡിഎംഎയും 3.04 ഗ്രാം ഹാഷിഷ് ഓയിലും ചെറിയ പ്ലാസ്റ്റിക് കവറുകളിലായി ഒളിപ്പിച്ച നിലയിലായിരുന്നു.

അയൽവാസിയായ ജിസിനാണ് മിഥിലാജിൻ്റെ വീട്ടിലേക്ക് ഗൾഫിലേക്ക് കൊണ്ടുപോകുന്നതിനായി സാധനങ്ങൾ എത്തിച്ചത്. പാഴ്സൽ ശ്രീലാൽ തന്നതാണെന്നും ഗൾഫിലുള്ള വഹീന് നൽകണമെന്നും ജിസിൻ പറഞ്ഞു. വഹീൻ ഇക്കാര്യം സൂചിപ്പിച്ച് മിഥിലാജിന് സന്ദേശം അയച്ചിരുന്നു. സംഭവസമയത്ത് മിഥിലാജ് തൻ്റെ ഭാര്യവീട്ടിലായിരുന്നില്ല.

ഇയാളുടെ ഭാര്യയുടെ പിതാവ് അമീറിന് സംശയം തോന്നി പാഴ്സൽ തുറന്നു പരിശോധിച്ചപ്പോഴാണ് അച്ചാർ കുപ്പിയിൽ കവറുകൾ കണ്ടത്. തുടർന്ന് അദ്ദേഹം ചക്കരക്കൽ പോലീസിൽ വിവരമറിയിക്കുകയായിരുന്നു. പോലീസ് നടത്തിയ പരിശോധനയിലാണ് കവറിൽ മയക്കുമരുന്നാണെന്ന് തിരിച്ചറിഞ്ഞത്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു. പാഴ്സലിൽ നിന്ന് മയക്കുമരുന്ന് പിടികൂടിയതിനെ തുടർന്ന് മിഥിലാജിൻ്റെ ഗൾഫ് യാത്ര മുടങ്ങിയിട്ടുണ്ട്.

മയക്കുമരുന്ന് മാഫിയയുടെ ഇത്തരം തന്ത്രങ്ങളെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക  

Article Summary: Drug smuggling attempt foiled in Kannur; MDMA, hashish oil seized from pickle parcel.

#DrugSmuggling #KannurPolice #MDMA #KeralaCrime #AntiDrugCampaign #Chakkarakkal