കണ്ണൂരിൽ വൻ ലഹരിമരുന്ന് വേട്ട; മെത്താഫിറ്റാമിനുമായി യുവാവ് പിടിയിൽ

കണ്ണൂർ: (KVARTHA) വിൽപന ലക്ഷ്യമാക്കി ബൈക്കിൽ കടത്തുകയായിരുന്ന 9.815 ഗ്രാം മാരക ലഹരിമരുന്നായ മെത്താഫിറ്റാമിനുമായി യുവാവിനെ എക്‌സൈസ് സംഘം പിടികൂടിയതായി അധികൃതർ അറിയിച്ചു. കെ. ഷാഹിം (28) ആണ് അറസ്റ്റിലായത്.

വാരം കടാങ്കോട് ഭാഗങ്ങളിൽ നടത്തിയ പരിശോധനയിലാണ് രാമൻകടയിൽ വെച്ച് പ്രതി പിടിയിലായത്. കെ.എൽ. 59. എ.എ. 1910 നമ്പർ ബൈക്കിൽ ലഹരിമരുന്ന് കടത്തുകയായിരുന്നു എന്നാണ് എക്‌സൈസ് ഉദ്യോഗസ്ഥർ വ്യക്തമാക്കിയത്.

എക്‌സൈസ് എൻഫോഴ്സ്മെന്റ് ആന്റ് ആന്റി നർകോടിക്ക് സ്പെഷ്യൽ സ്‌ക്വാഡ് ഓഫീസിലെ എക്സൈസ് ഇൻസ്പെക്ടർ എസ്. സിയാദിൻ്റെ നേതൃത്വത്തിലായിരുന്നു പരിശോധന. എക്സൈസ് കമ്മീഷണർ സ്‌ക്വാഡ് അംഗമായ ഗണേഷ് ബാബുവിന് ലഭിച്ച രഹസ്യ വിവരത്തെ തുടർന്നാണ് യുവാവ് എക്‌സൈസിന്റെ നിരീക്ഷണത്തിലായിരുന്നത്. 

രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനക്കൊടുവിലാണ് ഇയാളെ പിടികൂടിയതെന്ന് എക്‌സൈസ് അറിയിച്ചു. പ്രതിയെ പിടികൂടുന്നതിൽ കേരള എടിഎസ്സിന്റെ സഹായം ലഭിച്ചതായും അവർ കൂട്ടിച്ചേർത്തു.

പരിശോധനാ സംഘത്തിൽ അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) മാരായ സന്തോഷ്‌ തൂനോളി, അനിൽ കുമാർ പി കെ, അബ്ദുൽ നാസർ ആർ പി, പ്രിവൻറ്റീവ് ഓഫീസർ ഗ്രേഡ് സുഹൈൽ പി പി, ഉമേഷ്‌ കെ അസിസ്റ്റന്റ് എക്സൈസ് ഇൻസ്‌പെക്ടർ ഡ്രൈവർ അജിത്ത് സി, സിവിൽ എക്സൈസ് ഓഫീസർ ഗണേഷ് ബാബു പി വി, ശ്യാം രാജ്, വനിത സിവിൽ എക്സൈസ് ഓഫീസർ രതിക എ വി, എന്നിവരും പങ്കെടുത്തു. തുടർ നടപടികൾക്കായി പ്രതിയെ കോടതിയിൽ ഹാജരാക്കുമെന്ന് എക്‌സൈസ് വൃത്തങ്ങൾ അറിയിച്ചു.

ഈ വാർത്തയെക്കുറിച്ച് നിങ്ങളുടെ അഭിപ്രായം കമന്റ് ചെയ്യുക. 

Article Summary: Man arrested in Kannur with Methamphetamine by Excise Special Squad.

#Kannur, #DrugBust, #Excise, #Methamphetamine, #KeralaPolice, #AntiNarcotics