കണ്ണൂർ സെൻട്രൽ ജയിലിൽ വീണ്ടും തടവുകാർ തമ്മിൽ ഏറ്റുമുട്ടി; ഒരാൾക്ക് പരിക്ക്, സംഭവം ഭക്ഷണ സമയത്ത്

കണ്ണൂർ: (KVARTHA) കണ്ണൂർ സെൻട്രൽ ജയിലിൽ വീണ്ടും തടവുകാർ തമ്മിൽ ഏറ്റുമുട്ടി. അഞ്ചാം ബ്ലോക്കിലെ തടവുകാരനായ രാമൻകുട്ടി (56) എന്നയാൾക്കാണ് പരിക്കേറ്റത്. ഞായറാഴ്ച (ഓഗസ്റ്റ് 30) രാവിലെ 6.30-ന് ഭക്ഷണ സമയത്തുണ്ടായ വാക്കേറ്റിനിടെയാണ് ഇയാൾക്ക് മർദനമേറ്റത്. അഞ്ചാം ബ്ലോക്കിലെ തന്നെ മറ്റൊരു തടവുകാരനായ കിരൺ രാജ് ഷെട്ടിയാണ് രാമൻകുട്ടിയെ മർദിച്ചത്.

ശനിയാഴ്ച കത്തിക്കുത്ത്

സെൻട്രൽ ജയിലിൽ കഴിഞ്ഞ ദിവസവും സമാനമായ രീതിയിൽ അക്രമ സംഭവങ്ങൾ റിപ്പോർട്ട് ചെയ്തിരുന്നു. ശനിയാഴ്ച (ഓഗസ്റ്റ് 29) ഉച്ചയ്ക്ക് 11.50-ന് ജയിലിലെ കാപ്പ തടവുകാർ തമ്മിൽ ഏറ്റുമുട്ടുകയും കത്തിക്കുത്തുണ്ടാവുകയും ചെയ്തിരുന്നു. ഈ സംഘർഷത്തിൽ ഗുരുതരമായി പരിക്കേറ്റയാൾ നിലവിൽ പരിയാരത്തെ കണ്ണൂർ ഗവൺമെൻ്റ് മെഡിക്കൽ കോളേജ് ആശുപത്രിയിൽ ചികിത്സയിലാണ്. ഇതിന് പിന്നാലെയാണ് ഞായറാഴ്ചയും ജയിലിൽ തടവുകാർ തമ്മിൽ ഏറ്റുമുട്ടിയത്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Inmates clashed again at the Kannur Central Jail on Sunday, August 30, 2026, leaving 56-year-old Ramankutty injured after an assault by another inmate during an argument over food, following a violent stabbing incident involving KAAPA detainees on the previous day.

#Kvartha #KannurCentralJail #PrisonClash #KannurNews #KeralaNews #MalayalamNews #CrimeNews #KeralaPrisons #AmmuNews