വൻ കഞ്ചാവ് വേട്ട: യുവാവ് അറസ്റ്റിൽ; പിന്നിൽ ഒരു മാസത്തെ രഹസ്യ നിരീക്ഷണം

കണ്ണൂർ: (KVARTHA) ജില്ലയുടെ മലയോര മേഖലയായ ആലക്കോട് കരുവഞ്ചാലിൽ എക്‌സൈസ് നടത്തിയ മിന്നൽ പരിശോധനയിൽ വൻ കഞ്ചാവ് ശേഖരവുമായി യുവാവ് പിടിയിൽ. ജോഷി പ്രകാശ് (23) ആണ് 9.900 കിലോഗ്രാം കഞ്ചാവുമായി വലയിലായത്.

ആലക്കോട് എക്‌സൈസ് റേഞ്ച് ഇൻസ്‌പെക്ടർ സി.എച്ച്. നസീബിന്റെ നേതൃത്വത്തിലുള്ള സംഘം ഒരു മാസത്തോളം നടത്തിയ രഹസ്യ നിരീക്ഷണത്തിനൊടുവിലാണ് പ്രതിയെ പിടികൂടിയത്. ആലക്കോട്-കരുവഞ്ചാൽ ഭാഗങ്ങളിൽ നടത്തിയ പരിശോധനയ്ക്കിടെ സ്കൂട്ടറിലും ഷോൾഡർ ബാഗിലുമായി കഞ്ചാവ് കടത്തിക്കൊണ്ടുവരവെയാണ് ജോഷി പ്രകാശ് എക്‌സൈസ് സംഘത്തിന്റെ പിടിയിലായത്.

മംഗലാപുരത്തുനിന്ന് കഞ്ചാവ് വാങ്ങി മലയോര മേഖലയിൽ വിൽപന നടത്തിവരുന്നയാളാണ് അറസ്റ്റിലായ ജോഷി പ്രകാശ്. ഇയാൾക്കെതിരെ മുൻപും കഞ്ചാവ് കേസുകൾ നിലവിലുണ്ടെന്ന് എക്‌സൈസ് ഉദ്യോഗസ്ഥർ അറിയിച്ചു. 

എക്‌സൈസ് ഇൻസ്‌പെക്ടർ ഗ്രേഡ് കെ.വി. ഗിരീഷ്, അസിസ്റ്റന്റ് എക്‌സൈസ് ഇൻസ്‌പെക്ടർ ഗ്രേഡ് ടി.കെ. തോമസ്, പ്രിവന്റീവ് ഓഫീസർ ഗ്രേഡ് സി.കെ. ഷിബു, സിവിൽ എക്‌സൈസ് ഓഫീസർമാരായ പി.കെ. രാജീവ്, ടി. പ്രണവ്, ജിതിൻ ആന്റണി, കെ.വി. സന്തോഷ് എന്നിവരും അന്വേഷണ സംഘത്തിൽ ഉണ്ടായിരുന്നു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.
 

Article Summary: A young man named Joshi Prakash (23) was arrested in Kannur's Alakode Karuvanchal with 9.900 kg of cannabis. The Excise team made the arrest after a month of covert surveillance.

#Kannur, #CannabisBust, #DrugTrafficking, #ExciseRaid, #KeralaCrime, #YouthArrested