കണ്ണൂരിലെ ബാർ ജീവനക്കാരൻ റഗിത്തിന്റെ മരണം; എഫ് ഐ ആറിൽ തൂങ്ങിമരണമെന്ന സൂചനയില്ല ദുരൂഹത നീക്കാൻ അന്വേഷണം ഊർജ്ജിതമാക്കി

കണ്ണൂർ: (KVARTHA) നഗരത്തിലെ താവക്കര സ്കൈ പാലസ് ബാർ ഹോട്ടലിൽ ജീവനക്കാരനായ യുവാവിനെ മരിച്ച നിലയിൽ കണ്ടെത്തിയ സംഭവത്തിൽ പോലീസ് അസ്വാഭാവിക മരണത്തിന് കേസെടുത്ത് അന്വേഷണം ഊർജ്ജിതമാക്കി. മരിച്ച റഗിത്ത് തൂങ്ങിമരിച്ചതാണെന്ന സൂചനകൾ കണ്ണൂർ ടൗൺ പോലീസ് തയ്യാറാക്കിയ എഫ് ഐ ആറിൽ ഇല്ല.

പോലീസ് എഫ് ഐ ആർ പ്രകാരം കഴിഞ്ഞ ശനിയാഴ്ച, നവംബർ 22-ന് രാവിലെ 10:45 ന് മുൻപുള്ള ഏതോ സമയത്ത് കണ്ണൂർ താവക്കര റോഡിലെ സ്കൈ പാലസ് ബാർ ഹോട്ടലിലെ ഒന്നാം നിലയിലെ എ സി ബാറിലുള്ള സ്റ്റോർ റൂമിൽ റഗിത്തിനെ മരിച്ച നിലയിൽ കണ്ടെത്തുകയായിരുന്നു. ഇതേ തുടർന്ന് ബാർ അധികൃതർ കണ്ണൂർ ടൗൺ പോലീസിൽ വിവരമറിയിക്കുകയായിരുന്നു.

മരിക്കുന്നതിന് തലേദിവസം റഗിത്തിന്റെ ബന്ധുക്കൾ സ്കൈ പാലസിൽ വിളിച്ചന്വേഷിച്ചുവെങ്കിലും അവിടെയെത്തിയില്ലെന്ന മറുപടിയാണ് ലഭിച്ചത്. സംഭവത്തിൽ ദുരൂഹതയുണ്ടെന്ന സംശയം നിലനിൽക്കുമ്പോഴും, പോസ്റ്റുമോർട്ടം റിപ്പോർട്ട് ലഭിച്ചാൽ മാത്രമേ മരണകാരണമെന്തെന്ന് വ്യക്തമായി അറിയാൻ കഴിയുകയുള്ളുവെന്ന നിലപാടിലാണ് കണ്ണൂർ ടൗൺ പോലീസ്.

ഈ മരണത്തിന് പിന്നിലെ ദുരൂഹത നീങ്ങുമോ? നിങ്ങളുടെ അഭിപ്രായങ്ങൾ പങ്കുവെക്കൂ. 

Article Summary: Kannur bar employee Ragith found dead; police investigate unnatural death as FIR doesn't confirm Death.

#Kannur #RagithDeath #MysteryDeath #PoliceInvestigation #KeralaCrime #UnnaturalDeath