പാലക്കാട് കഞ്ചിക്കോട് യുവാവിന്റെ മരണം: സഹോദരൻ കസ്റ്റഡിയിൽ

പാലക്കാട്: (KVARTHA) കഞ്ചിക്കോട് വാട്ടർ ടാങ്ക് ജംഗ്ഷൻ പഴയ പോസ്റ്റ്‌ ഓഫീസ് തെരുവിൽ താമസിക്കുന്ന ആർ. ബാബുവിനെയാണ് മരിച്ച നിലയിൽ കണ്ടെത്തിയത്. സംഭവവുമായി ബന്ധപ്പെട്ട് സഹോദരൻ ആർ. സതീഷിനെ വാളയാർ പോലീസ് കസ്റ്റഡിയിലെടുത്തു.

ബുധനാഴ്ചയാണ് ബാബുവിനെ വീട്ടിനകത്ത് മരിച്ച നിലയിൽ കണ്ടെത്തിയത്. തുടർന്ന് നടത്തിയ പോസ്റ്റ്‌മോർട്ടം പരിശോധനയിൽ ശരീരത്തിൽ മർദ്ദനമേറ്റ പാടുകൾ കണ്ടെത്തിയിരുന്നു. ഇതോടെയാണ് മരണം കൊലപാതകമാണെന്ന സംശയം ബലപ്പെട്ടത്. തുടർന്ന് വാളയാർ പോലീസ് നടത്തിയ അന്വേഷണത്തിലാണ് സഹോദരനെ കസ്റ്റഡിയിലെടുത്തത്.

തമിഴ്നാട് സ്വദേശികളായ ഇവർ കഴിഞ്ഞ 20 വർഷമായി കഞ്ചിക്കോടാണ് താമസിക്കുന്നത്. സഹോദരങ്ങൾ തമ്മിൽ മദ്യലഹരിയിൽ തർക്കമുണ്ടായതായും ഇതാണ് മരണത്തിൽ കലാശിച്ചതെന്നുമാണ് പോലീസ് സംശയിക്കുന്നത്. കുറ്റാരോപിതനായ സതീഷിനെ പോലീസ് ചോദ്യം ചെയ്തുവരികയാണ്.

ഈ വാർത്ത ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്

Article Summary: A man named R. Babu was found dead in his house at Kanjikode, Palakkad. After a post-mortem examination revealed marks of assault, the police took his brother, R. Satheesh, into custody for questioning. Both are natives of Tamil Nadu settled in Kanjikode for 20 years.

#PalakkadNews #CrimeNews #Kanjikode #KeralaPolice #MurderInvestigation #Walayar #PalakkadCrime #LocalNews