തിരുവനന്തപുരം: (KVARTHA) കൈമനം കുറ്റിക്കാട് ലൈനിൽ ആളൊഴിഞ്ഞ പറമ്പിൽ ഒരു സ്ത്രീയുടെ കത്തിക്കരിഞ്ഞ മൃതദേഹം കണ്ടെത്തി. മരിച്ചത് കരുമം സ്വദേശി ഷീജയാണെന്ന് ബന്ധുക്കൾ തിരിച്ചറിഞ്ഞു. 

ഷീജ സുഹൃത്തിനൊപ്പമാണ് താമസിച്ചിരുന്നത് എന്നും ഇരുവരും തമ്മിൽ പ്രശ്നങ്ങളുണ്ടായിരുന്നതായും ബന്ധുക്കൾ ആരോപിച്ചു. പൂർണ്ണമായും കത്തിക്കരിഞ്ഞ നിലയിലായിരുന്നതിനാൽ മൃതദേഹം ആദ്യം തിരിച്ചറിയാൻ കഴിഞ്ഞിരുന്നില്ല. 

ഷീജയെ രണ്ടുദിവസം മുമ്പാണ് അവസാനമായി കണ്ടതെന്നും മൃതദേഹം കണ്ടെത്തിയ സ്ഥലത്തിന് സമീപമാണ് സുഹൃത്തിൻ്റെ വീടെന്നും കുടുംബാംഗങ്ങൾ പറഞ്ഞു.

സംഭവസ്ഥലത്ത് നിരവധി വീടുകളുണ്ടെങ്കിലും സംഭവിച്ചതെന്താണെന്ന് അറിയില്ലെന്ന് നാട്ടുകാർ പറയുന്നു. രാത്രി പത്തുമണിയോടെ നിലവിളി കേട്ടെന്നും ഓടിയെത്തിയപ്പോൾ കത്തിക്കരിഞ്ഞ മൃതദേഹമാണ് കണ്ടതെന്നും പ്രദേശവാസികൾ മൊഴി നൽകി. 

സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്. സമീപത്തെ സിസിടിവി ദൃശ്യങ്ങൾ പൊലീസ് പരിശോധിച്ചുവരികയാണ്. മരണത്തിൽ ദുരൂഹതയുണ്ടെന്ന് ബന്ധുക്കൾ ആവർത്തിക്കുന്നു.

കൈമനത്തെ ഈ ദുരൂഹ മരണത്തെക്കുറിച്ച് നിങ്ങളുടെ അഭിപ്രായങ്ങൾ രേഖപ്പെടുത്തുക, 

Summary: The burnt body of a woman, identified as Sheeba from Karumam, was found in Kaimanam, Thiruvananthapuram. Relatives allege issues between Sheeba and her live-in friend, whose house is near the discovery site. Locals reported hearing screams. Police are investigating the suspicious death
.#KaimanamDeath, #SheebaMurderMystery, #ThiruvananthapuramCrime, #SuspiciousDeath, #KeralaNews, #PoliceInvestigationNews