Accusation | താൻ മുകേഷിനെ ബ്ലാക്‌മെയിൽ ചെയ്തെങ്കിൽ അതിൻ്റെ ശബ്ദ സന്ദേശം അദ്ദേഹം പുറത്തു വിടട്ടെയെന്ന് നടി

കൊച്ചി: (KVARTHA) നടൻ മുകേഷിനെതിരായ ബ്ലാക്‌മെയിൽ ആരോപണം ശക്തമാക്കി പരാതിക്കാരിയായ നടി. താൻ മുകേഷിനെ ബ്ലാക്‌മെയിൽ ചെയ്തു എന്ന ആരോപണം തെറ്റാണെന്നും തെളിവുകൾ സൂക്ഷിച്ചിട്ടുണ്ടെന്നും നടി പറഞ്ഞു. സെക്രട്ടേറിയറ്റിൽ വച്ച് ആദ്യമായി ദുരനുഭവം ഉണ്ടായതായും പിന്നീട് കൊച്ചിയിലും പാലക്കാടിലും ഇത്തരം സംഭവങ്ങൾ ആവർത്തിച്ചതായും നടി വ്യക്തമാക്കി.

പരാതിയിൽ പറയുന്നവർക്കെതിരെ കേസെടുത്തതിൽ സർക്കാരിനോട് നന്ദി അറിയിച്ച നടി, സിനിമാ മേഖലയിൽ സ്ത്രീകൾ അനുഭവിക്കുന്ന ദുരനുഭവങ്ങൾക്ക് ഒരു അറുതിവേണമെന്നും പറഞ്ഞു.

മുകേഷ് നേരത്തെ നടിയെ പണം ആവശ്യപ്പെട്ട് ബ്ലാക്‌മെയിൽ ചെയ്തെന്നും അതിന് തെളിവുണ്ടെന്നും വ്യക്തമാക്കിയിരുന്നു. എന്നാൽ, നടി ഈ ആരോപണങ്ങൾ തള്ളിക്കളഞ്ഞു. പണം ചോദിച്ച് താൻ മുകേഷിനെ ബ്ലാക്‌മെയിൽ ചെയ്തെങ്കിൽ അതിൻ്റെ ശബ്ദ സന്ദേശം കാണുമല്ലോ, അത് അദ്ദേഹം പുറത്തു വിടട്ടെയെന്നും തന്നെ മാനസികമായി തളർത്താനുള്ള ശ്രമമാണ് ഈ ആരോപണമെന്നും നടി പറഞ്ഞു.

പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. ഏഴ് പേർക്കെതിരെയും നടി രഹസ്യമൊഴി നൽകിയിട്ടുണ്ട്. സിനിമയിൽ ശുദ്ധീകരണം വേണമെന്നും നടി ആവശ്യപ്പെട്ടു.

#MalayalamCinema #Bollywood #MeToo #sexualharassment #legalbattle