സ്‌കൈ ഡൈനിങ് അപകടം: ഉടമകൾക്കെതിരെ കേസ്, സ്ഥാപനത്തിന് സ്റ്റോപ്പ് മെമ്മോ നല്‍കും

ഇടുക്കി: (KVARTHA) ആനച്ചാലിൽ സ്‌കൈ ഡൈനിങ് തകരാറിലായി വിനോദസഞ്ചാരികൾ കുടുങ്ങിയ സംഭവത്തിൽ സ്ഥാപന ഉടമകൾക്കെതിരെ വെള്ളത്തൂവൽ പൊലീസ് കേസെടുത്തു. പൊതുജന സുരക്ഷയ്ക്ക് വീഴ്ച വരുത്തിയതായി ചൂണ്ടിക്കാട്ടി പൊലീസ് സ്വമേധയായാണ് കേസ് രജിസ്റ്റർ ചെയ്തത്. സ്ഥാപന ഉടമകളായ സോജൻ ജോസഫിനെ ഒന്നാം പ്രതിയാക്കിയാണ് കേസ് എടുത്തിരിക്കുന്നത്. മറ്റൊരു ഉടമയായ പ്രവീൺ രണ്ടാം പ്രതിയാകും.

ആവശ്യമായ സുരക്ഷാ സംവിധാനങ്ങൾ ഒരുക്കാതെയാണ് സതേൺ സ്‌കൈസ് എയറോ ഡയനാമിക് എന്ന സ്ഥാപനം പ്രവർത്തിച്ചിരുന്നത് എന്നാണ് പൊലീസ് നൽകുന്ന സൂചന. ‘സ്ഥാപനം പൊതുജന സുരക്ഷയ്ക്ക് വീഴ്ച വരുത്തി’ എന്ന് എഫ്‌ഐആറിൽ രേഖപ്പെടുത്തിയിട്ടുണ്ട്.

വെള്ളിയാഴ്ചയാണ് കുട്ടികളടക്കമുള്ള അഞ്ച് പേർ ഒന്നര മണിക്കൂറിലധികം സ്‌കൈ ഡൈനിങിൽ കുടുങ്ങിയത്. രണ്ടും നാലും വയസ്സുള്ള കുഞ്ഞുങ്ങൾ ഉൾപ്പെടെ അഞ്ച് പേരാണ് ആ സമയത്ത് സ്‌കൈ ഡൈനിങിൽ ഉണ്ടായിരുന്നത്. നാലരമണിക്കൂർ നീണ്ട സാഹസിക രക്ഷാപ്രവർത്തനത്തിനൊടുവിൽ അഗ്നിരക്ഷാസേന സ്ഥലത്തെത്തി അഞ്ചുപേരെയും സുരക്ഷിതമായി താഴെയിറക്കി.

സംഭവവുമായി ബന്ധപ്പെട്ട് ജില്ലാ കളക്ടർ തഹസിൽദാറോട് റിപ്പോർട്ട് തേടിയിട്ടുണ്ട്. സ്ഥാപനത്തിന് ഉടൻ സ്റ്റോപ്പ് മെമ്മോ നൽകും. നിലവിൽ സ്ഥാപനത്തിന്റെ പ്രവർത്തനം താൽക്കാലികമായി നിർത്തിവെച്ചിരിക്കുകയാണ്.

വിശദമായ പരിശോധനകൾ പൂർത്തിയാക്കിയതിന് ശേഷം മാത്രമേ സ്ഥാപനത്തിന് തുറന്നുപ്രവർത്തിക്കാൻ അനുമതി നൽകുകയുള്ളൂ. സ്ഥാപനത്തിന്റെ രേഖകൾ ഉടമകൾ ഇന്ന് തഹസിൽദാരുടെ ഓഫീസിൽ ഹാജരാക്കുമെന്നും അധികൃതർ അറിയിച്ചു.

കേരളത്തിൽ അത്ര പ്രചാരത്തിലില്ലാത്ത സാഹസിക വിനോദമാണ് സ്‌കൈ ഡൈനിങ്. 150 അടി ഉയരത്തിൽ ഇരുന്ന് കാഴ്ചകൾ കണ്ടുകൊണ്ട് ഭക്ഷണം കഴിക്കാൻ സൗകര്യം ഒരുക്കുന്ന ഈ സ്ഥാപനം ഒരു മാസം മുൻപാണ് പ്രദേശത്ത് പ്രവർത്തനം ആരംഭിച്ചത്.

സാഹസിക വിനോദങ്ങളുടെ സുരക്ഷയെക്കുറിച്ച് നിങ്ങളുടെ അഭിപ്രായം കമൻ്റ് ചെയ്യുക. സുഹൃത്തുക്കളുമായി പങ്കുവെക്കൂ. 

Article Summary: Police filed a case against Sky Dining owners in Idukki after a mishap trapped 5 people; a Stop Memo will be issued.

#SkyDining #Idukki #Anachal #Accident #PoliceCase #SafetyFirst