തിരുവനന്തപുരം: (KVARTHA) ജില്ലയിലെ വിഴിഞ്ഞം വെണ്ണിയൂർ വവ്വാമൂലയിൽ നിന്ന് ഞെട്ടിക്കുന്ന സംഭവം പുറത്ത്. ഭാര്യയെയും ഇരട്ടക്കുട്ടികളെയും വീട്ടിൽ നിന്ന് പുറത്താക്കി ഭർത്താവ് മുങ്ങിയതായി പരാതി. 29 വയസ്സുകാരിയും 5 വയസ്സുള്ള ഇരട്ടക്കുട്ടികളുമാണ് ഈ ദുരവസ്ഥയ്ക്ക് ഇരയായത്. കുട്ടികളിൽ ഒരാൾ വൃക്കരോഗം ബാധിച്ച കുട്ടിയാണ്.

കഴിഞ്ഞ ദിവസം ഉച്ചയ്ക്ക് ശേഷം ഭക്ഷണം കഴിക്കാനോ മരുന്ന് എടുക്കാനോ കഴിയാതെ വിഷമിച്ച യുവതിയും കുട്ടികളും രാത്രിയിൽ വിഴിഞ്ഞം പൊലീസ് സ്റ്റേഷനിൽ അഭയം തേടുകയായിരുന്നു. യുവതിയുടെ ഭർത്താവ് ഒരു സർക്കാർ ഉദ്യോഗസ്ഥനാണ് എന്നാണ് പുറത്തുവരുന്ന വിവരം. ഇവർ മുൻപും ഗാർഹിക പീഡനത്തിന് വിഴിഞ്ഞം പൊലീസിൽ പരാതി നൽകിയിരുന്നു. 

നെയ്യാറ്റിൻകര കോടതിയിൽ നിന്ന് സംരക്ഷണ ഉത്തരവ് ലഭിച്ചിരുന്നെങ്കിലും, അതിന്റെ കാലാവധി നീട്ടുന്നതിനായി കോടതിയിൽ പോയ സമയത്ത് ഭർത്താവ് വീട് പൂട്ടി കടന്നു കളയുകയായിരുന്നുവെന്നാണ് പറയുന്നത്. പൊലീസ് ഭർത്താവിനെ കണ്ടെത്താൻ ശ്രമിക്കുന്നുണ്ടെങ്കിലും, മൊബൈൽ ഫോൺ സ്വിച്ച് ഓഫ് ആണ്. നിലവിൽ, യുവതിയും മക്കളും വിഴിഞ്ഞം പൊലീസ് സ്റ്റേഷനിൽ തന്നെയാണ് കഴിയുന്നത്. പൊലീസ് യുവതിയുടെ മൊഴിയെടുത്തു വിശദമായ അന്വേഷണം ആരംഭിച്ചിട്ടുണ്ട്.

ഈ വാർത്ത പങ്കുവെച്ച്, അഭിപ്രായങ്ങൾ രേഖപ്പെടുത്തതാണ് മറക്കരുത് 
 A man locked his wife and twin children out of the house, leaving them without food and medicine. The family sought refuge at a local police station
 

#DomesticAbuse, #Venniyur, #ChildAbuse, #FamilyCrisis, #PoliceShelter, #TrivandrumNews