ന്യൂഡൽഹി: (KVARTHA) വടക്കുകിഴക്കൻ ഡൽഹിയിലെ ന്യൂ സീലംപൂർ മാർക്കറ്റിലെ ഒരു ഹോട്ടലിൽ തോക്കുമായി കടന്നുകയറിയ മൂന്ന് അജ്ഞാതർ 12,000 രൂപയും മൊബൈൽ ഫോണുകളും കൊള്ളയടിച്ചതായി പരാതി. ഞായറാഴ്ച രാത്രി നടന്നതായി പറയുന്ന ഈ സംഭവം സംബന്ധിച്ച് ഹോട്ടൽ ഉടമ പോലീസിൽ പരാതി നൽകി.

പോലീസ് പറയുന്നതനുസരിച്ച്, കൊള്ളക്കാർ കടയിൽ കയറി തോക്ക് ചൂണ്ടി ഹോട്ടൽ ഉടമയെ ഭീഷണിപ്പെടുത്തി പണം തരാനാവശ്യപ്പെട്ടു. സമീപത്തെ മറ്റൊരു ഹോട്ടൽ ഉടമ ഇടപെടാൻ ശ്രമിച്ചപ്പോൾ അക്രമികളിലൊരാൾ അയാളെ തലയ്ക്കടിച്ചുവെന്നും പരാതിയിൽ പറയുന്നു.

देखिए सरेआम लूटपाट का CCTV वीडियो

वारदात न्यू सीलमपुर इलाके का है खुलेआम गोली मारने की धमकी देकर लूटपाट करते हुए बदमाश दिख रहे हैं @DelhiPolice वायरल वीडियो न्यू सीलमपुर का मशहूर सोम होटल है न्यू सीलमपुर थाने के नजदीक का बताया जा रहा है #cctv #delhi #delhipolice #Kejriwal pic.twitter.com/VTUpPJtcgb

— Journalist Ravendra kumar (@Chhotukingoffi1) September 16, 2024

സംഭവത്തിന്റെ സിസിടിവി ദൃശ്യങ്ങൾ പോലീസിന് ലഭിച്ചിട്ടുണ്ട്. ദൃശ്യങ്ങളിൽ മൂന്ന് പേർ തോക്കുമായി കടയിലേക്ക് കടക്കുന്നതും പണം കൈക്കലാക്കുന്നതും ശേഷം മൂവരും സംഭവസ്ഥലത്ത് നിന്ന് ഓടിപ്പോകുന്നതും കാണാം. ഒരു മിനിറ്റിനുള്ളില്‍ മുഴുവൻ കവർച്ചയും നടന്നിരുന്നു. പോലീസ് ഇപ്പോൾ ഈ ദൃശ്യങ്ങൾ വിശദമായി പരിശോധിച്ച് പ്രതികളെ തിരിച്ചറിയാനുള്ള ശ്രമത്തിലാണ്.

നഗരത്തിലെ തന്നെ സോം ഹോട്ടലില്‍ സമാനമായ കവർച്ച നടന്ന് രണ്ട് ദിവസത്തിന് ശേഷമാണ് ഈ സംഭവം. സംഭവം പുറത്തുപറഞ്ഞാല്‍ ഹോട്ടലുടമയെ അക്രമികള്‍ വധിക്കുമെന്ന് ഭീഷണിപ്പെടുത്തിയതായും പറയുന്നു. 

തുടർച്ചയായുള്ള ഇത്തരം സംഭവങ്ങൾ പ്രദേശത്തെ വ്യാപാരികളിൽ ഭീതി പരത്തിയിട്ടുണ്ട്. ഡൽഹി പോലീസ് പൊതുജനങ്ങളോട് സംശയാസ്പദമായ സാഹചര്യങ്ങൾ കണ്ടാൽ ഉടൻ വിവരം നൽകണമെന്ന് അഭ്യർത്ഥിച്ചു.

#DelhiRobbery, #HotelTheft, #CCTVFootage, #DelhiCrime, #PoliceInvestigation, #GunpointRobbery