ഹൊസ്ദുർഗ് രാജേശ്വരി മഠം കവർച്ച: കുപ്രസിദ്ധ മോഷ്ടാവ് പയ്യന്നൂരിൽ പിടിയിൽ

പയ്യന്നൂർ: (KVARTHA) പട്ടാപ്പകൽ ഹൊസ്ദുർഗിലെ രാജേശ്വരി മഠത്തിൽ മോഷണം നടത്തിയെന്ന കേസിൽ കുപ്രസിദ്ധ മോഷ്ടാവ് ഹരീഷിനെ (48) ഹൊസ്ദുർഗ് പൊലീസ് അറസ്റ്റുചെയ്തു. പയ്യന്നൂരിൽവെച്ചാണ് പ്രതിയെ പിടികൂടിയതെന്ന് ഹൊസ്ദുർഗ് പൊലീസ് അറിയിച്ചു.

മഠത്തിൽ നിന്നും ചെമ്പു ഭണ്ഡാരവും അതിലെ പണവും വലംപിരി ശംഖും കവർന്നുപോയെന്നാണ് പരാതി. ഈ മാസം ഒന്നിനു വൈകുന്നേരം മൂന്നര മണിക്കാണ് മോഷണം നടന്നതെന്ന് പരാതിയിൽ പറയുന്നു.

മോഷണത്തിന്റെ ദൃശ്യങ്ങൾ ക്ഷേത്രത്തിലെ നിരീക്ഷണ ക്യാമറയിൽ പതിഞ്ഞിരുന്നു. തുടർന്ന്, ക്ഷേത്ര അംഗമായ കാഞ്ഞങ്ങാട്ടെ രാജേശ്വരി മഠത്തിലെ കെ. കാർത്ത്യായനി ഹൊസ്ദുർഗ് സ്റ്റേഷനിൽ പരാതി നൽകി.

പരാതിയുടെ അടിസ്ഥാനത്തിൽ കേസെടുത്ത പൊലീസ് അന്വേഷണം ആരംഭിച്ചു. ഹൊസ്ദുർഗ് സ്റ്റേഷൻ എസ്.ഐ.പി.വി.രാമചന്ദ്രന്റെ നേതൃത്വത്തിലുള്ള സംഘമാണ് അന്വേഷണം നടത്തിയത്. 

അന്വേഷണത്തിന്റെ ഭാഗമായി പ്രതിയെ പയ്യന്നൂരിൽവെച്ച് പിടികൂടുകയായിരുന്നു. പ്രതിയെ അറസ്റ്റുചെയ്യുന്നതിന് പയ്യന്നൂർ പൊലീസിന്റെ സഹായം ലഭിച്ചതായും അന്വേഷണ സംഘം വ്യക്തമാക്കി.

വാർത്തയെക്കുറിച്ച് നിങ്ങളുടെ അഭിപ്രായം പങ്കുവെക്കൂ. ഈ വാർത്ത മറ്റുള്ളവരിലേക്ക് ഷെയർ ചെയ്യുക.

Article Summary: Infamous thief Hareesh (48) arrested in Payyanur for stealing from Rajeswari Madam, Hosdurg.

#Hosdurg #TheftArrest #RajeswariMadam #KeralaPolice #Payyanur #CrimeNews