വസ്ത്രത്തിനുള്ളിലാക്കി കടത്താന്‍ ശ്രമിച്ച 3 കിലോ മയക്കുമരുന്ന് പിടികൂടി; ഒരാള്‍ അറസ്റ്റില്‍
Oct 23, 2021, 17:12 IST
ADVERTISEMENT
ബെംഗ്‌ളൂറു: (www.kvartha.com 23.10.2021) വസ്ത്രത്തിനുള്ളിലാക്കി കടത്താന്‍ ശ്രമിച്ച മൂന്ന് കിലോ മയക്കുമരുന്ന് പിടികൂടി. ലെഹംഗയുടെ ഉള്ളിലാക്കി ഓസ്ട്രേലിയയിലേക്ക് കടത്താന്‍ ശ്രമിച്ച മയക്കുമരുന്നാണ് നാര്‍കോടിക്‌സ് കണ്‍ട്രോള്‍ ബ്യൂറോ പിടികൂടിയത്. സംഭവവുമായി ബന്ധപ്പെട്ട് ഒരാള്‍ അറസ്റ്റിലായി.
എന്‍സിബി ബെംഗ്‌ളൂറു മേഖല ഡയറക്ടര്‍ അമിത് ഗാവ്‌തെയുടെ നേതൃത്വത്തിലുള്ള സംഘമാണ് മസ്യൂഡോഫെഡ്രൈന്‍ പിടികൂടിയത്. ലെഹംഗകളുടെ ഓരോ മടക്കുകളും തുറന്നപ്പോള്‍ നിരോധിത വസ്തു കണ്ടെത്തുകയായിരുന്നു. ഓസ്ട്രേലിയയിലേക്ക് അയയ്ക്കേണ്ട പാഴ്‌സല്‍ ആന്ധ്രാപ്രദേശിലെ നരസാപുരത്ത് നിന്നാണ് ബുക് ചെയ്തത്.
രഹസ്യവിവരത്തെ തുടര്‍ന്ന് ചെന്നൈയിലെ എന്‍സിബി സംഘം രണ്ട് ദിവസമായി നടത്തിയ അന്വേഷണത്തിലാണ് പാഴ്‌സല്‍ അയച്ചയാളുടെ വിലാസം തിരിച്ചറിഞ്ഞത്. വെള്ളിയാഴ്ച പ്രതിയെ പിടികൂടി. പാഴ്‌സല്‍ അയക്കാന്‍ വ്യാജ വിലാസങ്ങളും രേഖകളും ഉപയോഗിച്ചതായി കണ്ടെത്തി. കേസില്‍ അന്വേഷണം ഊര്‍ജിതമാക്കി.
Keywords: Bangalore, News, National, Arrest, Arrested, Crime, Seized, Case, Hidden In Lehengas, Drugs Worth Crores Seized In Bengaluru
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
