ഊട്ടി യാത്രയ്ക്കിടെ ദുരന്തം; ഗുണ്ടൽപേട്ടിൽ കാറും ലോറിയും കൂട്ടിയിടിച്ച് കുഞ്ഞടക്കം ഒരു കുടുംബത്തിലെ മൂന്ന് പേർ മരിച്ചു

കണ്ണൂർ: (KVARTHA) കണ്ണൂരിനെ നടുക്കി വാഹന അപകട ദുരന്തം. കണ്ണൂരിൽനിന്ന് ഊട്ടിയിലേക്ക് വിനോദയാത്രയ്ക്ക് പോയ കുടുംബം സഞ്ചരിച്ച കാർ കർണാടകയിലെ ഗുണ്ടൽപേട്ടിന് സമീപം അപകടത്തിൽപെട്ട് മൂന്ന് പേർക്ക് ദാരുണാന്ത്യമുണ്ടായി. കണ്ണൂർ സിറ്റി വെത്തിലപ്പള്ളി പാൽ സൊസൈറ്റിക്ക് സമീപം താമസിക്കുന്ന സൗദിയിൽ ജോലി ചെയ്യുന്ന ഷഫീഖിന്റെ ഭാര്യ മുനീറ (45), മുനീറയുടെ മകളുടെ ഭർത്താവ് മലപ്പുറം മമ്പുറം സ്വദേശി മുനീർ (30), മുനീറയുടെ മൂത്ത മകളുടെ മകൻ മോഹിസ് സിദാൻ (മൂന്നര) എന്നിവരാണ് മരിച്ചത്.

വിവാഹ ചടങ്ങിന് പിന്നാലെ വിനോദയാത്ര

തലശേരിയിൽ വിവാഹ ചടങ്ങിൽ പങ്കെടുത്ത ശേഷമാണ് ഏഴംഗ കുടുംബം മെയ് 02 ശനിയാഴ്ച രാത്രി ഊട്ടിയിലേക്ക് യാത്ര തിരിച്ചത്. ഗുണ്ടൽപേട്ടിൽനിന്ന് ഏകദേശം പത്ത് കിലോമീറ്റർ അകലെവെച്ച് മെയ് 03 ഞായറാഴ്ച പുലർച്ചെയാണ് അപകടമുണ്ടായത്. ഇവർ സഞ്ചരിച്ചിരുന്ന കാർ എതിരെ വന്ന ലോറിയുമായി കൂട്ടിയിടിക്കുകയായിരുന്നു.

രക്ഷാപ്രവർത്തനം കാർ വെട്ടിപ്പൊളിച്ച്

ഇടിയുടെ ആഘാതത്തിൽ കാർ പൂർണ്ണമായും തകർന്ന നിലയിലായിരുന്നു. നാട്ടുകാരും ഫയർഫോഴ്സും പോലീസും ചേർന്ന് ഏറെ പരിശ്രമിച്ചാണ് കാർ വെട്ടിപ്പൊളിച്ച് യാത്രക്കാരെ പുറത്തെടുത്തത്. മോഹിസ് സിദാൻ ചാമരാജ് നഗർ മെഡിക്കൽ കോളേജിൽ വെച്ചാണ് മരണത്തിന് കീഴടങ്ങിയത്. മുനീറും മുനീറയും സംഭവസ്ഥലത്ത് വെച്ച് തന്നെ മരണപ്പെട്ടതായാണ് വിവരം.

പരിക്കേറ്റവർ ചികിത്സയിൽ

കാറിലുണ്ടായിരുന്ന മറ്റ് നാല് പേർക്ക് അപകടത്തിൽ പരിക്കേറ്റിട്ടുണ്ട്. ഇവരെ ചാമരാജ് നഗർ മെഡിക്കൽ കോളേജിൽ പ്രവേശിപ്പിച്ചു. കണ്ണൂർ സിറ്റി മേഖലയെ ഒന്നടങ്കം കണ്ണീരിലാഴ്ത്തിയിരിക്കുകയാണ് ഒരു കുടുംബത്തിലെ മൂന്ന് പേരുടെ അപ്രതീക്ഷിത വിയോഗം.

പുതിയ വാർത്തകൾക്കും വിശേഷങ്ങൾക്കുമായി ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. അഭിപ്രായം ഞങ്ങളുടെ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താൻ മറക്കരുത്.

Updated

Article Summary: Three members of a family from Kannur City, including a 3.5-year-old child, died in a road accident near Gundlupet while on a trip to Ooty. Four others were injured and are undergoing treatment.

#GundlupetAccident #KannurNews #RoadAccident #KeralaNews #OotyTrip #BreakingNews #MalayalamNews #AccidentUpdate2026 #KannurCity