പരീക്ഷയ്ക്ക് വൈകിയെത്തിയത് ചോദ്യം ചെയ്തു; അധ്യാപികയുടെ മുഖത്തടിച്ച് പ്ലസ് ടു വിദ്യാർത്ഥി; ഗുജറാത്തിൽ നാടിനെ നടുക്കിയ സംഭവം

അഹമ്മദാബാദ്: (KVARTHA) ഗുജറാത്തിലെ പഞ്ച്മഹൽ ജില്ലയിൽ പരീക്ഷയ്ക്ക് വൈകിയെത്തിയത് ചോദ്യം ചെയ്ത അധ്യാപികയെ പ്ലസ് ടു വിദ്യാർത്ഥി മർദ്ദിച്ചതായി പരാതി. മുഹമ്മദ് ഖാൻ അൻസാരി എന്ന വിദ്യാർത്ഥിയാണ് അധ്യാപികയുടെ മുഖത്തടിച്ചതെന്ന് റിപ്പോർട്ടുകൾ സൂചിപ്പിക്കുന്നു. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.

പരീക്ഷാഹാളിലെ തർക്കം

ജനുവരി 24-നായിരുന്നു കേസിനാസ്പദമായ സംഭവം. പ്ലസ് ടു മോഡൽ പരീക്ഷയ്ക്ക് വൈകിയെത്തിയ മുഹമ്മദ് ഖാനോട് വൈകാനുണ്ടായ കാരണം വനിതാ ഇൻവിജിലേറ്റർ തിരക്കിയിരുന്നു. ഇതിൽ പ്രകോപിതനായ വിദ്യാർത്ഥി അധ്യാപികയുടെ മുഖത്തടിക്കുകയായിരുന്നുവെന്നാണ് വിവരം.

પરીક્ષામાં મોડા આવનાર વિદ્યાર્થીએ શિક્ષિકાને માર્યો લાફો,
પંચમહાલની એક ખાનગી શાળામાં બની સમગ્ર ઘટના#Panchmahal #ViralVideo pic.twitter.com/pkSXOhEH92

— MG Vimal ✍️ - વિમલ પ્રજાપતિ (@mgvimal_12) February 6, 2026

ഭയന്ന അധ്യാപിക പിന്നോട്ട് മാറുന്നതും ക്ലാസിലുണ്ടായിരുന്ന മറ്റ് രണ്ട് വിദ്യാർത്ഥികൾ ഇടപെടുന്നതും പുറത്തുവന്ന ദൃശ്യങ്ങളിൽ കാണാം. തനിച്ച് താമസിക്കുന്ന അധ്യാപികയെ അപായപ്പെടുത്തുമെന്ന് വിദ്യാർത്ഥി ഭീഷണിപ്പെടുത്തിയതായും ആരോപണമുണ്ട്.

വീണ്ടും ഭീഷണിപ്പെടുത്തിയതായി പരാതി

സംഭവത്തിന് പിന്നാലെ വിദ്യാർത്ഥിയുടെ പിതാവ് അധ്യാപികയോട് മാപ്പ് പറഞ്ഞിരുന്നു. എന്നാൽ ജനുവരി 27-ന് വിദ്യാർത്ഥി പിതാവിനും ഇരുപതംഗ സംഘത്തിനുമൊപ്പം സ്കൂളിലെത്തി അധ്യാപികയെ വീണ്ടും ഭീഷണിപ്പെടുത്തിയതായി സൂചനയുണ്ട്. അതേസമയം, മാപ്പ് പറയാനാണ് താൻ കൂട്ടാളികൾക്കൊപ്പം സ്കൂളിൽ എത്തിയതെന്നാണ് വിദ്യാർത്ഥിയുടെ വിശദീകരണം. സംഭവത്തിൽ പോലീസ് അന്വേഷണം നടന്നുവരികയാണ്.

പുതിയ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: A Class 12 student in Gujarat slapped his teacher for questioning his late arrival at a model exam.

#GujaratNews #SchoolViolence #TeacherAssault #CCTVFootage #EducationNews #CrimeNews #KVARTHA