പയ്യന്നൂരിൽ കൊച്ചുമകന്റെ ക്രൂരതക്കിരയായ വയോധികയുടെ വീടും കാറും തകർത്തു

പയ്യന്നൂർ: (KVARTHA) കണ്ടങ്കാളിയിൽ കിടപ്പുരോഗിയായ വയോധികയെ  അതിക്രൂരമായി മർദ്ദിച്ച കേസിൽ ഒളിവിൽ കഴിയുന്ന കൊച്ചുമകൻ റിജുവിൻ്റെ വീടും കാറും അജ്ഞാത സംഘം തകർത്തു. 

തിങ്കളാഴ്ച പുലർച്ചെയാണ് സംഭവം. ഗുരുതരമായി പരിക്കേറ്റ 88 വയസ്സുകാരി മണിയറ കാർത്യായനി പരിയാരം മെഡിക്കൽ കോളേജിൽ ചികിത്സയിലാണ്. സ്വത്ത് ഭാഗം വെക്കുന്നതിലെ തർക്കവും, റിജുവിനോടൊപ്പം താമസിക്കുന്നതിലുള്ള വിരോധവുമാണ് മർദ്ദനത്തിന് കാരണം. 

സംഭവത്തിന് ശേഷം ഒളിവിൽ പോയ റിജുവിനെ കണ്ടെത്താൻ പോലീസ് അന്വേഷണം തുടരുന്നതിനിടെയാണ് ആക്രമണം നടന്നത്. ഹോം നഴ്സിൻ്റെ പരാതിയിലാണ് പോലീസ് കേസെടുത്തത്. കഴിഞ്ഞ മെയ് 11ന് രാത്രിയാണ് കാർത്യായനിക്ക് മർദ്ദനമേറ്റത്.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: In Payyannur, the house and car of a grandson, who is absconding after allegedly brutally assaulting his bedridden 88-year-old grandmother over a property dispute, were vandalized by an unknown group.

#KeralaNews, #Payyannur, #Vandalism, #Crime, #FamilyDispute, #PoliceInvestigation