ഗോവിന്ദച്ചാമിക്ക് വിയ്യൂരിൽ ഏകാന്ത തടവ്; അതീവ സുരക്ഷയിൽ കണ്ണൂരിൽ നിന്ന് മാറ്റി

കണ്ണൂർ: (KVARTHA) സെൻട്രൽ ജയിലിൽ നിന്ന് മാറ്റിയ ഗോവിന്ദച്ചാമിയെ വിയ്യൂർ സെൻട്രൽ ജയിലിലെ ഏകാന്ത തടവിൽ പാർപ്പിക്കും. ഇവിടെ അന്തേവാസികൾക്ക് പരസ്പരം കാണാനോ സംസാരിക്കാനോ അനുവാദമില്ല. ഭക്ഷണം സെല്ലിൽ നേരിട്ടെത്തിച്ചു നൽകും. പുറത്തിറങ്ങാനും അനുവാദമുണ്ടായിരിക്കില്ല. സെല്ലുകളുടെ ആകെ ഉയരം 4.2 മീറ്ററാണ്.

വിയ്യൂർ ജയിലിന്റെ പ്രധാന സവിശേഷതകൾ ഇവയാണ്: 

പുറത്ത് ആറ് മീറ്റർ ഉയരത്തിൽ 700 മീറ്റർ ചുറ്റളവിലുള്ള മതിൽ, ഇതിനു മുകളിൽ പത്തടി ഉയരത്തിൽ വൈദ്യുതവേലി, മതിലിന് പുറത്ത് 15 മീറ്റർ വീതം ഉയരമുള്ള നാല് വാച്ച് ടവറുകൾ. 536 പേരെ പാർപ്പിക്കാൻ ശേഷിയുള്ള ഈ ജയിലിൽ നിലവിൽ 125 കൊടുംകുറ്റവാളികളും ഉൾപ്പെടെ ആകെ 300 തടവുകാരാണുള്ളത്.

535 തടവുകാരെ പാർപ്പിക്കാൻ സൗകര്യമുണ്ടെങ്കിലും 40 ജീവനക്കാർ മാത്രമാണ് ഇവിടെയുള്ളത്. നിലവിൽ റിപ്പർ ജയാനന്ദൻ, ചെന്താമര തുടങ്ങിയ കുറ്റവാളികളും വിയ്യൂർ സെൻട്രൽ ജയിലിലാണ്.

വെള്ളിയാഴ്ച പുലർച്ചെയായിരുന്നു ഗോവിന്ദച്ചാമി ജയിൽ ചാടിയത്. ഗോവിന്ദച്ചാമി ജയിലിന് പുറത്തെത്തിയ കൂടുതൽ സിസിടിവി ദൃശ്യങ്ങൾ പോലീസിന് ലഭിച്ചിരുന്നു. പുലർച്ചെ അഞ്ചേകാലോടെയാണ് ഗോവിന്ദച്ചാമി ജയിൽ ചാടിയത്. പുറത്തെത്തിയ ​ഗോവിന്ദച്ചാമി കൈപ്പത്തിയില്ലാത്ത കൈ തലയിൽ വെച്ച് മുകളിൽ സഞ്ചി കൊണ്ട് മറച്ചുപിടിച്ചാണ് ​റോഡിലൂടെ നടക്കുന്നത്. 

ജയിലിൽ നിന്നിറങ്ങിയത് മുതൽ കൈ തലയിൽ വെച്ചാണ് ഇയാളുടെ നടത്തം. സിസിടിവി ദൃശ്യങ്ങളിൽ ഇത് വ്യക്തമാണ്. ആരെങ്കിലും സൂക്ഷിച്ചു നോക്കുന്നത് കണ്ടാൽ ​ഗോവിന്ദച്ചാമി അപ്പോൾ തിരിഞ്ഞു നടക്കുന്നതും ദൃശ്യങ്ങളിൽ വ്യക്തമാണ്. 

സൂപ്രണ്ട് ഗേറ്റിന് സമീപത്തെ ദൃശ്യങ്ങളാണ് പോലീസിന് ലഭിച്ചത്. ഇത് ഇയാളെ പിടികൂടുന്നതിന് നിർണായകമായി. തളാപ്പിലെ എൽ.ഐ.സി ഓഫീസിന് സമീപത്തെ കിണറ്റിൽ ഒളിച്ചിരിക്കെയാണ് ഗോവിന്ദച്ചാമി പിടിയിലായത്.

ഗോവിന്ദച്ചാമിയുടെ ജയിൽ മാറ്റത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Article Summary: Govindachami moved to Viyyur jail solitary confinement after escape.

#Govindachami #ViyyurJail #PrisonEscape #KeralaPolice #CentralJail #Security