നിലമ്പൂർ: (KVARTHA) 16-കാരിയെ പീഡിപ്പിച്ചെന്ന പരാതിയിൽ മുൻ പോലീസ് ഉദ്യോഗസ്ഥനും മോട്ടിവേഷൻ സ്പീക്കറുമായ ഫിലിപ്പ് മമ്പാടിനെ പോലീസ് കസ്റ്റഡിയിലെടുത്തു. പോക്സോ നിയമപ്രകാരമാണ് നടപടി. പെൺകുട്ടിയുടെ പരാതിയുടെ അടിസ്ഥാനത്തിൽ വ്യാഴാഴ്ച (12.02.2026) രാത്രി നിലമ്പൂർ പോലീസ് ഇയാളെ വീട്ടിൽ നിന്ന് പിടികൂടുകയായിരുന്നു.

കൗൺസിലിംഗിൽ വെളിപ്പെടുത്തൽ

സ്കൂളിലെ കൗൺസിലിങ്ങിനിടെയാണ് പെൺകുട്ടി പീഡന വിവരം വെളിപ്പെടുത്തിയത്. 2025 സെപ്റ്റംബറിൽ കാസർകോട് കാഞ്ഞങ്ങാട്ടെ ലോഡ്ജിൽ കൊണ്ട് പോയി പീഡിപ്പിച്ചു എന്നാണ് പരാതി. തുടർന്ന് ചൈൽഡ് ലൈനിൽ വിവരം അറിയിക്കുകയും കോഴിക്കോട് ചേവായൂർ പോലീസ് കേസ് രജിസ്റ്റർ ചെയ്യുകയുമായിരുന്നു.

തുടർനടപടികൾ

ചേവായൂർ പോലീസിൽ നിന്ന് ലഭിച്ച വിവരത്തിന്റെ അടിസ്ഥാനത്തിലാണ് നിലമ്പൂർ പോലീസ് ഇയാളെ കസ്റ്റഡിയിലെടുത്തത്. കേസ് കൈമാറുന്ന മുറയ്ക്ക് അറസ്റ്റ് രേഖപ്പെടുത്തി തുടർ നടപടികൾ സ്വീകരിക്കും.

വിആർഎസ് എടുത്തു

പെരിന്തൽമണ്ണ സബ് ഇൻസ്‌പെക്ടർ ആയിരിക്കെ ലഹരി വിരുദ്ധ പ്രവർത്തനങ്ങളിൽ സജീവമാകാനാണ് ഇയാൾ വോളണ്ടറി റിട്ടയർമെന്റ് (VRS) എടുത്തത്. മോട്ടിവേഷൻ സ്പീക്കർ എന്ന നിലയിലും സോഷ്യൽ മീഡിയ ഇൻഫ്ലുവൻസർ എന്ന നിലയിലും ഇയാൾ സജീവമായിരുന്നു.

ഈ വാർത്ത ഷെയർ ചെയ്യൂ. അഭിപ്രായങ്ങൾ കമന്റായി പങ്കുവെക്കാനും മറക്കരുത്. പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യൂ.

Article Summary: Former SI and motivation speaker Philip Mambad taken into custody by Nilambur police for allegedly abusing a 16-year-old girl in a POCSO case.

#PhilipMambad #POCSO #Nilambur #KeralaPolice #CrimeNews #Kasaragod #Kanhangad #MotivationSpeaker