കണ്ണൂർ: (KVARTHA) ഇരിട്ടിക്കടുത്തുള്ള ഉളിക്കലിൽ വാടക ക്വാർട്ടേഴ്സ് കേന്ദ്രീകരിച്ച് എം.ഡി.എം.എ വിൽപ്പന നടത്തിയിരുന്ന മൂന്നംഗ സംഘത്തെ ഉളിക്കൽ പൊലീസ് അറസ്റ്റ് ചെയ്തു. കുടക് ജില്ലയിലെ ബി ഇ അബ്ദുൽ  ഹക്കീം (32), ഉളിക്കൽ പൊലീസ് സ്റ്റേഷൻ പരിധിയിലെ മുബശ്ശിർ (31), കർണാടക ധാർവാഡ് ഹൂബ്ലിയിലെ കോമള (32) എന്നിവരാണ് പിടിയിലായത്. 

കണ്ണൂർ റൂറൽ പൊലീസ് മേധാവി അനുജ് പലിവാളിന്റെ നേതൃത്വത്തിൽ പ്രവർത്തിക്കുന്ന ഡാൻസാഫ് ടീമിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ റെയ്ഡിലാണ് ഇവരെ പിടികൂടിയത്.

2.175 ഗ്രാം എം.ഡി.എം.എയും ലഹരി വസ്തുക്കൾ വിൽക്കാൻ ഉപയോഗിക്കുന്ന ചെറിയ കവറുകളും ഇവരിൽ നിന്ന് കണ്ടെടുത്തു. എസ്.ഐ. കെ. സുരേഷ്, എ.എസ്.ഐ. ഗീത, എ.എസ്.ഐ. രാജീവ്, എസ്.സി.പി.ഒ. സജേഷ് എന്നിവരാണ് പ്രതികളെ പിടികൂടിയ സംഘത്തിലുണ്ടായിരുന്നത്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Three individuals, including a woman, were arrested in Ulikkal for drug sale centered around rental quarters.
#DrugSale #UlikkalNews #KannurPolice #MDMA #Arrest #DrugRaids