മയക്കുമരുന്ന് കേസിൽ പ്രതിക്ക് 10 വർഷം കഠിന തടവും ഒരു ലക്ഷം രൂപ പിഴയും
ADVERTISEMENT
● 432 സ്പാസ്മോ-പ്രോക്സിവോൺ പ്ലസ് ഗുളികകൾ കണ്ടെത്തി.
● 36 നിട്രാസെപാം ഗുളികകളും പിടിച്ചെടുത്തവയിൽ ഉൾപ്പെടുന്നു.
● എക്സൈസ് കമ്മീഷണറാണ് അന്വേഷണം പൂർത്തിയാക്കി കുറ്റപത്രം സമർപ്പിച്ചത്.
● പ്രതിക്ക് ഒരു ലക്ഷം രൂപ പിഴയും ചുമത്തിയിട്ടുണ്ട്.
കണ്ണൂർ: (KVARTHA) കൂത്തുപറമ്പിൽ ബസിൽ നിന്ന് മയക്കുമരുന്ന് പിടികൂടിയ കേസിൽ പ്രതിക്ക് പത്ത് വർഷം കഠിന തടവും ഒരു ലക്ഷം രൂപ പിഴയും വിധിച്ച് വടകര എൻ.ഡി.പി.എസ്. കോടതി.
പയ്യോളി കൊയിലാണ്ടിയിലെ പൂവൻ ചാലിൽ ഹൗസിൽ പി. സഫറുദ്ദീനെയാണ് (35) വടകര അഡീഷണൽ ഡിസ്ട്രിക്ട് ആൻഡ് സെഷൻസ് ജഡ്ജ് വി.ജി. ബിജു ശിക്ഷിച്ചത്. 2018 ഡിസംബർ 23-ന് കൂത്തുപറമ്പ് എക്സൈസ് ഇൻസ്പെക്ടർ കെ.പി. പ്രമോദിന്റെ നേതൃത്വത്തിലുള്ള എക്സൈസ് സംഘം, കേരള-കർണാടക ഇൻ്റർസ്റ്റേറ്റ് ബസിൽ വെച്ച് ഇയാളെ കൂത്തുപറമ്പ് തൊക്കിലങ്ങാടിയിൽ നിന്ന് അറസ്റ്റ് ചെയ്യുകയായിരുന്നു.
432 സ്പാസ്മോ-പ്രോക്സിവോൺ പ്ലസ് ഗുളികകളും 36 നിട്രാസെപാം ഗുളികകളുമാണ് ഇയാളിൽ നിന്ന് കണ്ടെടുത്തത്. പ്രിവൻ്റീവ് ഓഫീസർ വി. സുധീർ, സിവിൽ എക്സൈസ് ഓഫീസർമാരായ പ്രജീഷ് കോട്ടായി, പി. അജേഷ്, എം. സുമേഷ് എന്നിവരായിരുന്നു അന്വേഷണ സംഘത്തിൽ ഉണ്ടായിരുന്നത്. എക്സൈസ് കമ്മീഷണർ ടി. രാകേഷാണ് അന്വേഷണം പൂർത്തിയാക്കി കോടതിയിൽ കുറ്റപത്രം സമർപ്പിച്ചത്. പ്രോസിക്യൂഷനു വേണ്ടി അഡ്വ. വി.കെ. ജോർജ് ഹാജരായി.
ഈ കേസിനെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.
Article Summary: Drug case accused gets 10 years imprisonment, fine.
#DrugCase #KeralaJustice #NDPSCourt #Kannur #DrugTrafficking #ExciseArrest
