(KVARTHA) പാലക്കാട്: മാരകമായ എംഡിഎംഎയുടെ കച്ചവടം നടത്തിയതിന് ദന്ത ഡോക്ടറായ വിഷ്ണുരാജിനെ കോഴിക്കോട് പൊലീസ് അറസ്റ്റ് ചെയ്‌തത് കേരളത്തെ ഞെട്ടിച്ചിരിക്കുകയാണ്. പാലക്കാട് സ്വദേശിയായ വിഷ്‌ണുരാജിനെ കോഴിക്കോട് കൊടുവള്ളി ഓമശ്ശേരിയിലെ ഫ്ലാറ്റിൽ നിന്നാണ് സ്പെഷ്യൽ സ്ക്വാഡ് പിടികൂടിയത്. ഇയാളിൽ നിന്നും 15 ഗ്രാം എംഡിഎംഎയും കണ്ടെടുത്തു.

രണ്ട് മാസമായി സ്പെഷ്യൽ സ്ക്വാഡിന്റെ നിരീക്ഷണത്തിലായിരുന്നു ഇയാൾ. വിദ്യാർത്ഥികൾക്കും യുവാക്കൾക്കും ലഹരി എത്തിക്കുന്നു എന്ന രഹസ്യവിവരത്തെ തുടർന്ന് നടത്തിയ അന്വേഷണത്തിലാണ് ഇയാൾ അറസ്റ്റിലായത്. ബെംഗ്ളൂറിൽ നിന്ന് എത്തിക്കുന്ന ലഹരി മരുന്നുകൾ കോഴിക്കോട് ടൗൺ, എൻഐടി, കൊടുവള്ളി, മുക്കം എന്നിവിടങ്ങളിലെ വിദ്യാർത്ഥികൾക്കും യുവാക്കൾക്കുമായി വിൽപന നടത്തിയിരുന്നതായി പൊലീസ് പറഞ്ഞു.

കോഴിക്കോട്, മലപ്പുറം എന്നിവിടങ്ങളിൽ നിന്നുള്ള മൊത്തവിതരണക്കാരിൽ നിന്നും ഇയാൾ ലഹരി എത്തിച്ചിരുന്നതായും പറയുന്നു. എല്ലാവിധ ലഹരിയും ഉപയോഗിക്കുന്നയാളാണ് പ്രതിയെന്നും പൊലീസ് വ്യക്തമാക്കി. വിഷ്ണുരാജിന്റെ അറസ്റ്റ് ലഹരി മാഫിയയുടെ കൂടുതൽ അപകടകരമായ മുഖം വെളിവാക്കുന്നു. സമൂഹത്തിലെ ഉന്നത സ്ഥാനങ്ങളിൽ ഇരിക്കുന്നവർ പോലും ലഹരി മാഫിയയുടെ ഭാഗമാകുന്നത് ആശങ്കാജനകമാണ്. ഇത്തരം സംഭവങ്ങൾക്കെതിരെ ശക്തമായ നടപടികൾ സ്വീകരിക്കേണ്ടത് അത്യന്താപേക്ഷിതമാണ് എന്നാണ് ആവശ്യം ഉയർന്നിരിക്കുന്നത്.

ഈ വാർത്ത എല്ലാവരുമായി പങ്കുവെക്കുക. നിങ്ങളുടെ അഭിപ്രായങ്ങൾ രേഖപ്പെടുത്തുക.

Article Summary In English: A dental doctor, Vishnu Raj, was arrested in Kozhikode for selling MDMA. He was supplying drugs to students and youths, and 15 grams of MDMA were seized from him.
#MDMA, #DrugArrest, #KeralaPolice, #Kozhikode, #DrugMafia, #CrimeNews