ചെന്നൈ: (KVARTHA) തിരുപ്പത്തൂർ ആമ്ബൂരിൽ നടന്ന വേദനാജനകമായ ഒരു സംഭവത്തിൽ, കടം തർക്കത്തെ തുടർന്ന് രണ്ട് കുട്ടികളുടെ ജീവൻ അപഹരിക്കപ്പെട്ടു. പോലീസ് നടത്തിയ അന്വേഷണത്തിൽ, ഈ കൊടുംകൃത്യം നടത്തിയതായി ആരോപിക്കപ്പെടുന്ന വസന്തകുമാർ (25) എന്നയാൾ പിടിയിലായി.

വടിവേൽ നഗർ പിള്ളയാർ കോവില്‍ സ്ട്രീറ്റിലെ യോഗരാജ്-വിനിത ദമ്പതികളുടെ മക്കളായ യോഗിത് (6), ദർശൻ (4) എന്നീ കുട്ടികളാണ് അക്രമത്തിൽ മരിച്ചത്. യോഗരാജും വസന്തകുമാറും പരസ്പരം സുഹൃത്തുക്കളായിരുന്നു, ഇരുവരും കെട്ടിട നിർമാണ മേഖലയിൽ ജോലി ചെയ്യുകയായിരുന്നു.

പൊലിസ് പറയുന്നതനുസരിച്, ഏതാനും നാളുകൾക്ക് മുമ്പ്, യോഗരാജ് വസന്തകുമാറിൽ നിന്ന് 14,000 രൂപ കടം വാങ്ങിയിരുന്നു. ഈ തുക തിരിച്ചു നൽകാതിരുന്നതിൽ വസന്തകുമാറിന്റെ ഭാര്യ അതൃപ്തയായി സ്വന്തം വീട്ടിലേക്ക് മടങ്ങി. ഇത് വസന്തകുമാറിനെ വലിയ വിഷാദത്തിലാക്കി. തന്റെ ഭാര്യ സ്വന്തം വീട്ടിലേക്ക് മടങ്ങാൻ കാരണം യോഗരാജാണെന്ന വൈരാഗ്യം വളർത്തിയ വസന്തകുമാർ, ഈ ദുരന്തകരമായ തീരുമാനത്തിലേക്ക് എത്തിച്ചേർന്നതെന്നാണ്.

പോലീസ് നടത്തിയ അന്വേഷണത്തിൽ, വസന്തകുമാർ കുട്ടികളെ കഴുത്തു ഞെരിച്ചു കൊലപ്പെടുത്തിയതായി കണ്ടെത്തി. തുടർന്ന് വസന്തകുമാറിനെ അറസ്റ്റ് ചെയ്തു.

#ChennaiCrime #ChildMurder #Debt #Justice #Arrest #Tragedy