വഴി ചോദിക്കാനെന്ന വ്യാജേന ബൈക്കിലെത്തി വയോധികയുടെ മാല പൊട്ടിച്ചു; ദമ്പതികൾ മണിക്കൂറുകൾക്കകം അറസ്റ്റിൽ

കണ്ണൂർ: (KVARTHA) വയോധികയുടെ മാല കവർന്ന ദമ്പതികളെ പോലീസ് അറസ്റ്റ് ചെയ്തു. അർജുൻ, ഭാര്യ ടിവി ഹെൽന എന്നിവരെയാണ് പരിയാരം പോലീസ് പിടികൂടിയത്.

വഴി ചോദിക്കാനെന്ന വ്യാജേന കവർച്ച

വ്യാഴാഴ്ച (സെപ്റ്റംബർ 24) ഉച്ചയ്ക്ക് 12 മണിക്കാണ് ഏഴിലോട് പുറച്ചേരിയിൽ വെച്ചായിരുന്നു സംഭവം. ഏഴിലോട് പുറച്ചേരിയിലെ കിഴക്കേവീട്ടിൽ കെവി സരോജിനിയുടെ (72) 1.5 പവൻ്റെ (12 ഗ്രാം) മാലയാണ് ദമ്പതികൾ കവർന്നത്. കടയിൽ നിന്ന് സാധനങ്ങൾ വാങ്ങി വീട്ടിലേക്ക് മടങ്ങുകയായിരുന്നു സരോജിനി. ഇരുചക്ര വാഹനത്തിലെത്തിയ അർജുനും ഹെൽനയും വഴി ചോദിക്കാനെന്ന വ്യാജേന സരോജിനിയുടെ അടുത്ത് വണ്ടി നിർത്തി സംസാരിക്കുകയും, ഇതിനിടെ പുറകിലിരുന്ന ഹെൽന സരോജിനിയുടെ കഴുത്തിൽ നിന്ന് മാല പൊട്ടിക്കുകയുമായിരുന്നു.

സിസിടിവി തുണയായി

സിസിടിവി ദൃശ്യങ്ങൾ കേന്ദ്രീകരിച്ച് പരിയാരം പോലീസ് അന്വേഷണം നടത്തിയപ്പോൾ പയ്യന്നൂരിൽ താമസിക്കുന്ന അർജുൻ, ഹെൽന എന്നിവരാണ് കവർച്ച നടത്തിയതെന്ന് കണ്ടെത്തി. തുടർന്ന് മണിക്കൂറുകൾക്കുള്ളിൽ തന്നെ ഇവരെ പോലീസ് പിടികൂടുകയായിരുന്നു. പരിയാരം എസ്ഐ യദുകൃഷ്ണൻ, എസ്ഐ ശ്രീകുമാർ, എഎസ്ഐ പ്രജീഷ്, എസ്സിപിഒ ജിജേഷ്, സിപിഒ അനൂപ് എന്നിവരടങ്ങുന്ന അന്വേഷണ സംഘമാണ് പ്രതികളെ വലയിലാക്കിയത്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.    

Article Summary: Pariyaram Police arrested a couple, Arjun and TV Helna, within hours for snatching a 1.5-sovereign gold chain from a 72-year-old woman in Ezhilode by pretending to ask for directions, utilizing CCTV footage for the swift breakthrough.

#Kvartha #KannurNews #ChainSnatching #KeralaPolice #CrimeNewsMalayalam #ParyaramPolice #Arrest #AmmuNews