പീഡനക്കേസിൽ മാങ്കൂട്ടത്തിലിന് കർശന ഉപാധികളോടെ മുൻകൂർ ജാമ്യം; എല്ലാ തിങ്കളാഴ്ചയും ഹാജരാകണം
 

തിരുവനന്തപുരം: (KVARTHA) ബലാത്സംഗക്കേസിൽ കോൺഗ്രസ് എംഎൽഎ രാഹുൽ മാങ്കൂട്ടത്തിലിന് കർശന ഉപാധികളോടെ മുൻകൂർ ജാമ്യം. രണ്ടാമത്തെ ബലാത്സംഗക്കേസിലാണ് തിരുവനന്തപുരം ജില്ലാ പ്രിൻസിപ്പൽ സെഷൻസ് കോടതി എംഎൽഎയ്ക്ക് മുൻകൂർ ജാമ്യം അനുവദിച്ചത്.

കർശന ഉപാധികളോടെയാണ് കോടതിയുടെ നടപടി. എല്ലാ തിങ്കളാഴ്ചയും രാവിലെ പത്തിനും പതിനൊന്നിനും ഇടയിൽ അന്വേഷണ ഉദ്യോഗസ്ഥർക്ക് മുൻപിൽ ഹാജരായി ഒപ്പിടണം എന്നതാണ് പ്രധാന വ്യവസ്ഥ. കൂടാതെ, സാക്ഷികളെ സ്വാധീനിക്കാൻ ശ്രമിക്കരുത്, അന്വേഷണവുമായി പൂർണമായി സഹകരിക്കണം തുടങ്ങിയ ഉപാധികളും കോടതി മുന്നോട്ടുവെച്ചിട്ടുണ്ട്.

അധിക വകുപ്പുകൾ ചുമത്തി

അതേസമയം, രാഹുൽ മാങ്കൂട്ടത്തിലിനെതിരെ കോടതി കൂടുതൽ വകുപ്പുകൾ ചുമത്തിയിരുന്നു. പെൺകുട്ടിയെ പിന്തുടർന്ന് ശല്യപ്പെടുത്തുക, തടഞ്ഞുവെക്കുക, അതിക്രമിച്ച് കയറുക എന്നീ വകുപ്പുകളാണ് എംഎൽഎയ്‌ക്കെതിരെ പുതുതായി കൂട്ടിച്ചേർത്തത്.

നവംബർ 27-ന് യുവതി തെളിവുകൾ സഹിതം മുഖ്യമന്ത്രിക്ക് പരാതി നൽകിയതോടെയാണ് രാഹുൽ മാങ്കൂട്ടത്തിൽ ഒളിവിൽ പോയത്. ഇതിന് പിന്നാലെയാണ് ബംഗളൂരിൽ താമസിക്കുന്ന മലയാളിയായ ഇരുപത്തിമൂന്ന് വയസ്സുകാരിയും രാഹുലിനെതിരെ പരാതിയുമായി രംഗത്തെത്തിയത്. 

ലൈംഗിക പീഡനത്തിന് ഇരയാക്കിയെന്നും ശരീരമാകെ മുറിവേൽപ്പിച്ചെന്നും യുവതി പരാതിയിൽ പറയുന്നു. ഈ സാഹചര്യത്തിലാണ് കർശന വ്യവസ്ഥകളോടെ കോടതി എംഎൽഎയ്ക്ക് മുൻകൂർ ജാമ്യം അനുവദിച്ചത്.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക! 

Article Summary: Congress MLA Rahul Mankuttathil gets anticipatory bail with strict conditions.

#RahulMankuttathil #AnticipatoryBail #KeralaPolitics #Kvartha #CongressMLA #ThiruvananthapuramCourt