മുഖത്ത് മുളകുപൊടി വിതറി 8 ലക്ഷം രൂപ കവര്‍ന്നതായി പരാതി; ഒളിവിലായിരുന്ന യുവാവ് അറസ്റ്റില്‍
Oct 1, 2021, 15:27 IST
ADVERTISEMENT
തലശ്ശേരി: (www.kvartha.com 01.10.09.2021) മുഖത്ത് മുളകുപൊടി വിതറി എട്ട് ലക്ഷം രൂപ കവര്‍ന്നുവെന്ന പരാതിയില്‍ യുവാവ് അറസ്റ്റില്‍. മലപ്പുറം എടവണ്ണ സ്വദേശി വാരാംവളപ്പില്‍ മുബാലിസിനെയാണ് (30) തലശ്ശേരി പൊലീസ് അറസ്റ്റുചെയ്തത്. ജില്ല സഹകരണ ബാങ്കില്‍ പണയപ്പെടുത്തിയ സ്വര്‍ണമെടുക്കാന്‍ വന്നയാളുടെ മുഖത്ത് മുളകുപൊടി വിതറി എട്ടുലക്ഷം രൂപ കവര്‍ന്നുവെന്നാണ് കേസ്.
സംഭവത്തിന് ശേഷം ഒളിവിലായിരുന്ന യുവാവിനെ കേസന്വേഷണം നടത്തുകയായിരുന്ന എസ് ഐ അഖിലും സംഘവും വീട്ടില്‍ വച്ച് അറസ്റ്റ് ചെയ്യുകയായിരുന്നു. 2020 നവംബര്‍ 16ന് രാവിലെ തലശ്ശേരി പഴയ ബസ്‌സ്റ്റാന്‍ഡ് എം ജി റോഡിലാണ് സംഭവം. ധര്‍മടം ബ്രണ്ണന്‍ കോളജിന് സമീപം താമസക്കാരനായ റഫീഖിന്റെ പണമാണ് കവര്‍ന്നത്.
Keywords: Thalassery, News, Kerala, Robbery, Police, Crime, Arrest, Arrested, Bank, Complaint that Rs 8 lakh stolen by scattering chilli powder on face; Man arrested
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
