Attacked | കലോത്സവ പരിശീലനത്തിന് വന്ന വിദ്യാര്‍ഥികളെ നാട്ടുകാര്‍ സംഘം ചേര്‍ന്ന് മര്‍ദിച്ചതായി പരാതി; 2 പേര്‍ പിടിയില്‍

അടൂര്‍: (www.kvartha.com) കലോത്സവ പരിശീലനത്തിന് വന്ന വിദ്യാര്‍ഥികളെ നാട്ടുകാര്‍ സംഘം ചേര്‍ന്ന് മര്‍ദിച്ചതായി പരാതി. സംഭവത്തില്‍ രണ്ടുപേരെ പൊലീസ് കസ്റ്റഡിയിലെടുത്തു. കടമ്പനാട് കെആര്‍കെപിഎം എച്എസ്എസിലെ പത്താം ക്ലാസ് വിദ്യാര്‍ഥികളായ അഹ്‌സര്‍, അഫ്‌സല്‍, യാസിര്‍ എന്നിവര്‍ക്കാണ് മര്‍ദനമേറ്റതെന്ന് പൊലീസ് പറഞ്ഞു.

സംഭവത്തെ കുറിച്ച് പൊലീസ് പറയുന്നതിങ്ങനെ: കൊട്ടാരക്കര ഉപജില്ല സ്‌കൂള്‍ കലോത്സവം ഈ സ്‌കൂളിലാണ് നടക്കുന്നത്. ഇതിന്റെ പരിശീലനത്തിന് വന്ന കുട്ടികളെയാണ് നാട്ടുകാര്‍ മര്‍ദിച്ചത്. സ്‌കൂളില്‍ വിദ്യാര്‍ഥികള്‍ തമ്മില്‍ നേരത്തെ സംഘര്‍ഷമുണ്ടായിരുന്നു. വെള്ളം കുടിക്കാനായി സ്‌കൂളിന് പുറത്തേക്കിറങ്ങിയ വിദ്യാര്‍ഥികള്‍ക്കിടയില്‍ തര്‍ക്കമുണ്ടാവുകയും കൈയാങ്കളിലെത്തുകയും ചെയുകയായിരുന്നു.

ഇതിനിടെ നാട്ടുകാര്‍ ഇടപെട്ട് വിദ്യാര്‍ഥികളെ സംഘം ചേര്‍ന്ന് മര്‍ദിച്ചെന്നാണ് പരാതി. അഞ്ചിലധികം പേര്‍ ചേര്‍ന്നാണ് മര്‍ദിച്ചത്. ശാസ്താംകോട്ട താലൂക്ക് ആശുപത്രിയില്‍ ചികിത്സ തേടിയ വിദ്യാര്‍ഥികള്‍ ഏനാത്ത് പൊലീസ് സ്റ്റേഷനില്‍ പരാതി നല്‍കുകായിരുന്നു.

Keywords: Local-News, News, Kerala, Complaint, Students, attack, Crime, hospital, Treatment, Complaint that attack against students; Two arrested.