സോഷ്യല്മീഡിയയിലൂടെ പെണ്കുട്ടികളെ അശ്ലീല ചിത്രങ്ങള് കാണിച്ച് ഭീഷണിപ്പെടുത്തിയതായി പരാതി; 23കാരന് അറസ്റ്റില്
Sep 2, 2021, 11:50 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ന്യൂഡെല്ഹി: (www.kvartha.com 02.09.2021) സോഷ്യല്മീഡിയയിലൂടെ പെണ്കുട്ടികളെ അശ്ലീല ചിത്രങ്ങളും വീഡിയോകളും കാണിച്ച് ഭീഷണിപ്പെടുത്തിയെന്ന പരാതിയില് 23കാരന് ലക്നോവില് അറസ്റ്റില്. എയര് കന്ഡീഷനര് മെകാനിക്കായ അബ്ദുല് സമദിനെയാണ് പൊലീസ് അറസ്റ്റ് ചെയ്തത്. ഓഗസ്റ്റ് 27ന് ലഭിച്ച 15കാരിയുടെ പരാതിയിലാണ് നടപടി. പെണ്കുട്ടിയില് നിന്ന് ഇയാള് വീഡിയോകളും ചിത്രങ്ങളും ആവശ്യപ്പെടുകയും ഭീഷണിപ്പെടുത്തുകയും ചെയ്തിരുന്നു.
ഇന്സ്റ്റഗ്രാമില് സ്ത്രീകളുടെ പേരില് വ്യാജ പ്രൊഫൈലുണ്ടാക്കി കൗമാരക്കാരായ പെണ്കുട്ടികളുമായി പ്രതി സൗഹൃദം സ്ഥാപിക്കുകയും അവരുടെ നഗ്ന ചിത്രങ്ങളും വീഡിയോകളും ആവശ്യപ്പെടുകയും ചെയ്തിരുന്നതായി പൊലീസ് പറഞ്ഞു. സ്ത്രീയാണെന്ന് നടിച്ച് പെണ്കുട്ടികളുമായി സൗഹൃദം സ്ഥാപിച്ചാണ് കുറ്റകൃത്യത്തില് ഏര്പ്പെടുന്നതെന്ന് പ്രതി പൊലീസിനോട് സമ്മതിച്ചു.
പ്രതിയുടെ അടുത്തുനിന്ന് നിരവധി പെണ്കുട്ടികളുടെ വിവരങ്ങളും അശ്ലീല വീഡിയോകളും ഫോടോകളും അടങ്ങിയ സമാര്ട്ഫോണ് കണ്ടെടുത്തതായി ഡെപ്യൂടി പൊലീസ് കമീഷണര് അതുല് കുമാര് താക്കൂര് പറഞ്ഞു. പെണ്കുട്ടികള് അശ്ലീല വീഡിയോകളും ചിത്രങ്ങളും അയച്ചുനല്കിയാല് പിന്നീട് അവരെ ഭീഷണിപ്പെടുത്തുകയും ചിത്രങ്ങള് പ്രചരിപ്പിക്കുകയും ചെയ്യും. സമദിന് നിരവധി ഇന്സ്റ്റഗ്രാം ഐഡികളുണ്ടെന്നും ഒരോ കുറ്റകൃത്യത്തിനും ഓരോ ഐ ഡികളാണ് ഉപയോഗിച്ചിരുന്നതെന്നും പൊലീസ് പറഞ്ഞു.
Keywords: New Delhi, News, National, Arrest, Arrested, Crime, Girl, Social Media, Police, Complaint of threatening girls with images on social media; 23-year-old arrested
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
