കണ്ണൂർ: (KVARTHA) ചികിത്സാ പിഴവ് മൂലം യുവാവ് മരിച്ചെന്ന ബന്ധുക്കളുടെ പരാതിയെ തുടർന്ന് കണ്ണൂർ ധനലക്ഷ്മി ആശുപത്രിയിലെ ഡോക്ടർക്കെതിരെ പോലീസ് കേസെടുത്തു. 

ആശുപത്രിയിൽ പ്രവേശിപ്പിച്ച യുവാവിന് മതിയായ ചികിത്സ ലഭിച്ചില്ലെന്ന് ആരോപിച്ചാണ് ബന്ധുക്കൾ പരാതി നൽകിയത്. തളിപ്പറമ്പ് മുയ്യം മുണ്ടപ്പാലത്തിന് സമീപം പുളുക്കൂൽ വീട്ടിൽ മണികണ്ഠൻ (38) ആണ് ഞായറാഴ്ച പുലർച്ചെ മൂന്നോടെ ധനലക്ഷ്മി ആശുപത്രിയിൽ ചികിത്സയിലിരിക്കെ മരിച്ചത്. 

ഉറക്കക്കുറവ് അനുഭവപ്പെട്ടതിനെ തുടർന്ന് ഏപ്രിൽ മൂന്നിന് രാത്രി 8.30നാണ് മണികണ്ഠനെ ആശുപത്രിയിൽ പ്രവേശിപ്പിച്ചത്. ബന്ധുവായ പി. നിഷാന്തിന്റെ പരാതിയിലാണ് കണ്ണൂർ ടൗൺ പോലീസ് കേസ് രജിസ്റ്റർ ചെയ്തത്. പുരുഷോത്തമൻ-ലത ദമ്പതികളുടെ മകനാണ് മരിച്ച മണികണ്ഠൻ. ഭാര്യ: രസ്‌ന, മകൾ: അനൈന, സഹോദരങ്ങൾ: ഷർമിൽ, വിനയ.

കണ്ണൂരിലെ ഈ ദാരുണ സംഭവത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Summary: A young man, Manikandan (38), who sought treatment for sleeplessness at Dhanalakshmi Hospital in Kannur, passed away. Following a complaint from relatives alleging medical negligence and inadequate treatment, the police have registered a case against a young doctor at the hospital.

#KannurDeath, #MedicalNegligence, #HospitalComplaint, #KeralaNews, #PoliceCase, #TreatmentDelay