നഗ്നദൃശ്യങ്ങൾ പ്രചരിപ്പിക്കുമെന്ന് ഭീഷണിപ്പെടുത്തി യുവതിയുടെ ഫോൺ തട്ടിയെടുത്ത ബസ് കണ്ടക്ടർ അറസ്റ്റിൽ

കണ്ണൂർ: (KVARTHA) യുവതിയുടെ നഗ്നദൃശ്യങ്ങൾ പ്രചരിപ്പിക്കുമെന്ന് ഭീഷണിപ്പെടുത്തി ഫോൺ തട്ടിയെടുത്ത സ്വകാര്യ ബസ് കണ്ടക്ടർ അറസ്റ്റിൽ. സജീർ (32) എന്നയാളെയാണ് തളിപ്പറമ്പ് പോലീസ് പിടികൂടിയത്. ആലക്കോട് സ്വദേശിനിയായ യുവതിയുടെ പരാതിയിലാണ് നടപടി.

ഒരു സ്വകാര്യ ബസിലെ യാത്രയ്ക്കിടെയാണ് സജീർ യുവതിയുമായി പരിചയത്തിലാകുന്നത്. പിന്നീട് ഇവർ പ്രണയത്തിലാവുകയും ഈ ബന്ധം മുതലെടുത്ത് സജീർ യുവതിയിൽ നിന്ന് ഏഴ് പവൻ സ്വർണവും 80,000 രൂപയും തട്ടിയെടുത്തെന്നും പോലീസ് പറഞ്ഞു. ഇതിനുശേഷം യുവതിയുടെ നഗ്നദൃശ്യങ്ങൾ കൈവശമുണ്ടെന്ന് പറഞ്ഞ് ഭീഷണിപ്പെടുത്തി അഞ്ച് ലക്ഷം രൂപ കൂടി ആവശ്യപ്പെട്ടു.

കഴിഞ്ഞ ദിവസം തളിപ്പറമ്പ് ബസ് സ്റ്റാൻഡിൽ വെച്ച് ഇരുവരും തമ്മിലുണ്ടായ വാക്കുതർക്കത്തിനിടെ സജീർ യുവതിയുടെ ഫോൺ പിടിച്ചുവാങ്ങി കടന്നുകളയുകയായിരുന്നു. തുടർന്ന് യുവതി നൽകിയ പരാതിയുടെ അടിസ്ഥാനത്തിൽ പോലീസ് നടത്തിയ അന്വേഷണത്തിലാണ് കണ്ണൂർ സിറ്റിയിലെ താമസസ്ഥലത്ത് നിന്ന് പ്രതിയെ പിടികൂടിയത്. 

തളിപ്പറമ്പ്-കാപ്പിമല റൂട്ടിലോടുന്ന സ്വകാര്യ ബസിലെ കണ്ടക്ടറാണ് ഇയാൾ. യുവതിയുടെ ഫോണും ഇയാളിൽനിന്ന് കണ്ടെടുത്തു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായം കമന്റ് ചെയ്യുക. 

Article Summary: Bus conductor arrested for blackmail and theft of a woman's phone.

#KeralaCrime #KannurNews #BusConductor #Blackmail #KeralaPolice #Taliparamba