തളിപ്പറമ്പ് കുറ്റ്യേരിയിൽ സംഘർഷശ്രമം; ബിജെപി പ്രചാരണം എഴുതിയ മതിൽ തകർത്തു, പ്രവർത്തകനും ഭാര്യയ്ക്കും നേരെ കല്ലേറ്

തളിപ്പറമ്പ്: (KVARTHA) കുറ്റ്യേരിയിൽ രാഷ്ട്രീയ സംഘർഷത്തിന് ബോധപൂർവ്വമായ ശ്രമം നടക്കുന്നതായി സൂചന. ബി.ജെ.പി പ്രചാരണ വാചകങ്ങൾ എഴുതിയ മതിൽ ബൈക്കിലെത്തിയ സംഘം തകർത്തതാണ് പ്രദേശത്ത് വീണ്ടും സംഘർഷാവസ്ഥ സൃഷ്ടിച്ചിരിക്കുന്നത്. ഞായറാഴ്ച പുലർച്ചെയാണ് അക്രമസംഭവങ്ങൾ അരങ്ങേറിയത്.

സംഭവം ഇങ്ങനെ

കുറ്റ്യേരിയിൽ സ്വകാര്യ വ്യക്തിയുടെ സ്ഥലത്ത് കെട്ടിയ മതിലിലാണ് ബി.ജെ.പി തങ്ങളുടെ പ്രചാരണ വാചകങ്ങൾ എഴുതിയിരുന്നത്. ഞായറാഴ്ച പുലർച്ചെ ബൈക്കിലെത്തിയ സംഘം മതിൽ തകർക്കുകയായിരുന്നു. 

മതിൽ തകർക്കുന്ന ശബ്ദം കേട്ട് സമീപത്തെ വീട്ടിൽ നിന്ന് ബി.ജെ.പി പ്രവർത്തകനായ രാധാകൃഷ്ണനും ഭാര്യയും പുറത്തിറങ്ങി വന്നു. ഇതോടെ അക്രമിസംഘം ഇവർക്ക് നേരെ തിരിയുകയും കല്ലെറിഞ്ഞ് ഓടിക്കുകയുമായിരുന്നു എന്നാണ് പരാതി.

പൊലീസ് ജാഗ്രതയിൽ

സംഭവമറിഞ്ഞയുടൻ തളിപ്പറമ്പ് പൊലീസ് സ്ഥലത്തെത്തി സ്ഥിതിഗതികൾ വിലയിരുത്തി. തദ്ദേശ തിരഞ്ഞെടുപ്പ് സമയത്തും ഈ പ്രദേശത്ത് സമാനമായ രീതിയിൽ അക്രമങ്ങൾ നടന്നിരുന്നു. വീണ്ടും സംഘർഷത്തിന് സാധ്യതയുള്ളതിനാൽ തളിപ്പറമ്പ് പൊലീസ് സ്ഥലത്ത് ക്യാമ്പ് ചെയ്ത് നിരീക്ഷണം ശക്തമാക്കിയിട്ടുണ്ട്. അക്രമികളെ തിരിച്ചറിയാനുള്ള ശ്രമം പൊലീസ് ഊർജ്ജിതമാക്കി.

വിവരമറിഞ്ഞ് ബി.ജെ.പി നേതാക്കളും പ്രവർത്തകരും സ്ഥലത്തെത്തിയിരുന്നു. സമാധാന അന്തരീക്ഷം തകർക്കാനുള്ള ശ്രമമാണ് നടക്കുന്നതെന്ന് നേതാക്കൾ ആരോപിച്ചു.

ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റ് ചെയ്യുക

Article Summary: Tension prevails in Kuttyeri, Taliparamba after a gang demolished a wall with BJP slogans and pelted stones at a party worker and his wife on Sunday early morning. Police have intensified security.

#Taliparamba #Kuttyeri #BJP #PoliticalViolence #KannurNews #KeralaPolice #Crime