ചാരായവുമായി റിമാൻഡിലായ പ്രതിയുടെ ഓട്ടോറിക്ഷയും ഷെഡും കത്തിച്ചു

കണ്ണൂർ: (KVARTHA) പയ്യന്നൂർ രാമന്തളിയിൽ വ്യാജചാരായവുമായി റിമാൻഡിലായ പ്രതിയുടെ ഓട്ടോറിക്ഷയും ഷെഡും അജ്ഞാതർ കത്തിച്ചു. സജീവൻ (48) എന്നയാളുടെ വീട്ടുമുറ്റത്ത് നിർത്തിയിട്ടിരുന്ന കെ.എൽ. 60 പി 6858 നമ്പർ ബജാജ് ഓട്ടോറിക്ഷയും ചാരായം വാറ്റാൻ ഉപയോഗിച്ച ഷെഡുമാണ് അഗ്നിക്കിരയാക്കിയത്. വ്യാഴാഴ്ച രാത്രി 10:45നാണ് സംഭവം.

ബുധനാഴ്ചയാണ് എക്സൈസ് സംഘം 40 ലിറ്റർ വ്യാജചാരായവും 80 ലിറ്റർ വാഷും വാറ്റുപകരണങ്ങളുമായി സജീവനെ അറസ്റ്റ് ചെയ്തത്. പ്രതിയെ പയ്യന്നൂർ കോടതിയിൽ ഹാജരാക്കി റിമാൻഡ് ചെയ്തു. കഴിഞ്ഞ കുറെക്കാലമായി എക്സൈസ് നിരീക്ഷണത്തിലായിരുന്നു പ്രതി. 

എക്സൈസ് സംഘം റെയ്ഡ് നടത്തി വീടിന് സമീപമുള്ള ചാരായം വാറ്റാൻ നിർമ്മിച്ച ഷെഡിൽ നിന്നാണ് പ്രതിയെ പിടികൂടിയത്. ഓട്ടോറിക്ഷയും ഷെഡും കത്തിച്ച സംഭവത്തിൽ പയ്യന്നൂർ പോലീസ് കേസെടുത്തിട്ടുണ്ട്.

ഈ വിഷയത്തെക്കുറിച്ച് നിങ്ങൾക്ക് എന്താണ് പറയാനുള്ളത്? നിങ്ങളുടെ അഭിപ്രായം രേഖപ്പെടുത്തൂ, ഒപ്പം ഇത് മറ്റുള്ളവർക്കും ഷെയർ ചെയ്യൂ.

Article Summary: Autorickshaw and shed of a man arrested for illicit liquor production were set on fire.

#Kannur #CrimeNews #IllicitLiquor #Arson #Pyannur #KeralaPolice