Arrested | 'മദ്യലഹരിയിലായിരുന്ന യാത്രക്കാരനെ പ്രകൃതിവിരുദ്ധ ലൈംഗിക പീഡനത്തിനിരയാക്കി'; ഓടോറിക്ഷാ ഡ്രൈവര്‍ അറസ്റ്റില്‍
Jun 8, 2023, 13:41 IST
ADVERTISEMENT
മുംബൈ: (www.kvartha.com) മദ്യലഹരിയിലായിരുന്ന യാത്രക്കാരനെ പ്രകൃതിവിരുദ്ധ ലൈംഗിക പീഡനത്തിനിരയാക്കിയെന്ന സംഭവത്തില്‍ ഓടോറിക്ഷാ ഡ്രൈവര്‍ അറസ്റ്റില്‍. ഇരയുടെ മൊബൈല്‍ ഫോണും എടിഎം കാര്‍ഡും 25കാരനായ ഡ്രൈവര്‍ എടുത്തുകൊണ്ടുപോയിരുന്നു എന്ന് പൊലീസ് പറഞ്ഞു. ശനിയാഴ്ച രാത്രിയാണ് സംഭവം.
പൊലീസ് പറയുന്നത്:
മദ്യലഹരിയിലായിരുന്ന യാത്രക്കാരന്‍ ഘാട്കോപറില്‍നിന്ന് ഓടോറിക്ഷ വിളിച്ചു. ഇറങ്ങേണ്ട സ്ഥലം കൃത്യമായി പറഞ്ഞുകൊടുക്കാന്‍ കഴിയാത്തത് ഡ്രൈവറെ വലച്ചു. ഒടുവില്‍ ഒരു മണിക്കൂറിന് ശേഷം 250 രൂപ യാത്രാക്കൂലിയായി ഡ്രൈവര്‍ ആവശ്യപ്പെട്ടു. എന്നാല്‍, 100 രൂപയാണ് യാത്രക്കാരന്‍ നല്‍കിയത്. തുടര്‍ന്ന് ഇതിനെ ചൊല്ലി തര്‍ക്കമുണ്ടായി. രോഷാകുലനായ ഡ്രൈവര്‍ യാത്രക്കാരനെ പ്രദേശത്തെ പാര്‍ക്കിലെ ഒറ്റപ്പെട്ട സ്ഥലത്തേക്ക് കൊണ്ടുപോയി പ്രകൃതിവിരുദ്ധ പീഡനത്തിനിരയാക്കുകയായിരുന്നു. തുടര്‍ന്ന് എടിഎമില്‍ നിന്ന് 200 രൂപ പിന്‍വലിപ്പിച്ചു.
ഡ്രൈവര്‍ മൊബൈല്‍ ഫോണും എടിഎം കാര്‍ഡും എടുത്തുകൊണ്ടുപോയതായും പരാതിയില്‍ പറയുന്നു. ചൊവ്വാഴ്ചയാണ് പരാതിക്കാരന്‍ പൊലീസിനെ സമീപിച്ചത്. നാണക്കേട് തോന്നിയതിനാല്‍ പുറത്തുപറയാന്‍ വൈകിയെന്നും മൊബൈല്‍ ഫോണ്‍ തിരികെ വേണമെന്നും ഇയാള്‍ ആവശ്യപ്പെട്ടു. ഐപിസി 377, 394 ഉള്‍പെടെയുള്ള വകുപ്പുകള്‍ പ്രകാരമാണ് ഡ്രൈവര്‍ക്കെതിരെ കേസെടുത്തത്.
Keywords: Mumbai, News, National, Auto Rickshaw, Driver, Molestation, Crime, Auto Rickshaw driver held for molesting against drunk man.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
