'വിവാഹ മോചനത്തിന് അപേക്ഷ നല്‍കി'; ഭാര്യയെ ക്രൂരമായി മര്‍ദിച്ചെന്ന പരാതിയില്‍ ഭര്‍ത്താവ് അറസ്റ്റില്‍
Oct 4, 2021, 07:21 IST
ADVERTISEMENT
തിരുവനന്തപുരം: (www.kvartha.com 04.10.2021) പുല്ലുവിളയില്‍ ഭാര്യയെ ക്രൂരമായി മര്‍ദിച്ചെന്ന പരാതിയില്‍ ഭര്‍ത്താവ് അറസ്റ്റില്‍. പുല്ലുവിള സ്വദേശി ജെസിയെ മര്‍ദിച്ചെന്ന സംഭവത്തിലാണ് ഭര്‍ത്താവ് വര്‍ഗീസിനെ പൊലീസ് അറസ്റ്റ് ചെയ്തത്. നട്ടെല്ലിനും തലയിലും ഗുരുതരമായി പരിക്കേറ്റ ജെസി തിരുവനന്തപുരം മെഡിക്കല്‍ കോളജ് ആശുപത്രിയില്‍ ചികിത്സയിലാണ്.
വര്‍ഷങ്ങളായി തുടരുന്ന മര്‍ദനം സഹിക്ക വയ്യാതെ വിവാഹ മോചനത്തിന് അപേക്ഷ നല്‍കിയതിനായിരുന്നു ക്രൂരമായ മര്‍ദനമെന്ന് ബന്ധുക്കള്‍ പരാതിയില്‍ പറയുന്നു. 13 വര്‍ഷം മുമ്പായിരുന്നു ഇവരുടെ വിവാഹം. സ്ഥിരമായി മദ്യപിച്ചെത്തി വര്‍ഗീസ് ജെസിയെ മര്‍ദിക്കുമായിരുന്നു.
പല തവണ ആവര്‍ത്തിച്ചപ്പോഴാണ് ഇവര്‍ ആറ് മാസം മുമ്പ് വിവാഹമോചനത്തിന് അപേക്ഷ നല്‍കിയത്. വര്‍ഗീസിനെതിരെ നേരത്തെ പല തവണ പരാതി നല്‍കിട്ടുണ്ടെങ്കിലും പൊലീസ് എപ്പോഴും ഒത്തുതീര്‍പ്പാക്കി വിടുകയാണ് പതിവെന്നും ജെസിയുടെ ബന്ധുക്കള്‍ ആരോപിച്ചു.
Keywords: Thiruvananthapuram, News, Kerala, attack, Crime, Arrest, Arrested, Police, Complaint, Wife, Husband, hospital, Treatment, Attack against woman; Man arrested
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
