ചെന്നിത്തലയോട് കെ സി ജോസഫിനെ കാണാനില്ലെന്ന് ചാനല്‍ പരിപാടിക്കിടെ പരാതിപ്പെട്ട കോണ്‍ഗ്രസ് പ്രവര്‍ത്തകന്റെ വീട് എറിഞ്ഞുതകര്‍ത്തു

കണ്ണൂര്‍: (www.kvartha.com 06.05.2020) കൊവിഡ് പ്രതിരോധ പ്രവര്‍ത്തനങ്ങളുമായി ബന്ധപ്പെട്ട് ഇരിക്കൂര്‍ നിയോജക മണ്ഡലത്തില്‍ കെ സി ജോസഫ് എംഎല്‍എയെ കാണാനില്ലെന്ന് പ്രതികരിച്ച കോണ്‍ഗ്രസ് പ്രവര്‍ത്തകന്റെ വീടിന് നേരെ ആക്രമണം. ശ്രീകണ്ഠപുരം ചെമ്പേരി ചെളിമ്പറമ്പിലെ കുന്നേല്‍ മാര്‍ട്ടിന്റെ വീടാണ് ഒരു സംഘം എറിഞ്ഞ് തകര്‍ത്തത്. ചൊവാഴ്ച രാത്രി 10.30 മണിയോടെയായിരുന്നു ആക്രമണം.

കഴിഞ്ഞ ദിവസം ഒരു സ്വകാര്യ ചാനലില്‍ 'പ്രതിപക്ഷ നേതാവിനോട് ചോദിക്കാം' എന്ന പരിപാടിയില്‍ ഇരിക്കൂര്‍ എംഎല്‍എ കെ സി ജോസഫിനെ മണ്ഡലത്തില്‍ കാണാനെ ഇല്ല എന്ന് മാര്‍ട്ടിന്‍ പരാതി പറഞ്ഞിരുന്നു. ഇതേ തുടര്‍ന്ന് കോണ്‍ഗ്രസ് നേതാക്കളുടെ നേതൃത്വത്തില്‍ വലിയ ഭീഷണിയാണ് മാര്‍ട്ടിന് നേരെ ഉണ്ടായത്. ഇതിന്റെ തുടര്‍ച്ചയാണ് ഇപ്പോള്‍ നടന്ന ആക്രമണവും.


ആക്രമണത്തില്‍ വീടിന്റെ രണ്ടാം നിലയിലെ ജനല്‍ ചില്ലുകള്‍ പൂര്‍ണ്ണമായും തകര്‍ന്നു. ബഹളം കേട്ട് കുടുംബാംഗങ്ങള്‍ പുറത്തിറങ്ങിയപ്പോള്‍ അക്രമി സംഘം വന്ന വാഹനത്തില്‍ രക്ഷപ്പെട്ടു. മാര്‍ട്ടിന്റെ പരാതിയില്‍ കുടിയാന്‍മല പൊലീസ് കേസെടുത്തിട്ടുണ്ട്. എന്നാല്‍ വീടാക്രമിച്ചത് തന്നെ എതിര്‍ക്കുന്ന കോണ്‍ഗ്രസ് പ്രവര്‍ത്തകരാണെന്നും തനിക്കെതിരെയുള്ള നീക്കത്തിനു പിന്നില്‍ ചില സംഘങ്ങളാണെന്നും കെ സി ജോസഫ് ആരോപിച്ചു.


Keywords: Kannur, News, Kerala, attack, Crime, House, Congress, Complaint, Channel, K C Joseph, Attack against congress worker's house in Kannur