Arrest | വയനാട് ഡിസിസി ട്രഷററുടെ മരണം: ഐ സി ബാലകൃഷ്ണൻ എംഎൽഎയുടെ അറസ്റ്റ് രേഖപ്പെടുത്തി

 
IC Balakrishnan arrested in Wayanad DCC Treasurer death case.
IC Balakrishnan arrested in Wayanad DCC Treasurer death case.

Photo Credit: Facebook/ I C Balakrishnan

● കോടതി മുൻകൂർ ജാമ്യം അനുവദിച്ചിരുന്നതിനാൽ അറസ്റ്റ് രേഖപ്പെടുത്തി അദ്ദേഹത്തെ ജാമ്യത്തിൽ വിട്ടയച്ചു. 
● ശനിയാഴ്ച വീണ്ടും ചോദ്യം ചെയ്യലിന് ഹാജരായപ്പോഴാണ് അറസ്റ്റ് രേഖപ്പെടുത്തിയത്.
● കസ്റ്റഡിയിലിരിക്കെ വെള്ളിയാഴ്ച ഉച്ചയ്ക്ക് ഒന്നരയോടെ അന്വേഷണ സംഘം ഐ സി ബാലകൃഷ്ണന്റെ കേണിച്ചിറയിലെ വീട്ടിലും റെയ്ഡ് നടത്തിയിരുന്നു.

കൽപ്പറ്റ: (KVARTHA) വയനാട് ഡിസിസി ട്രഷററായിരുന്ന എൻഎം വിജയനും മകൻ ജിജേഷും ജീവനൊടുക്കിയ കേസിൽ കോൺഗ്രസ് നേതാവും എംഎൽഎയുമായ ഐ സി ബാലകൃഷ്ണന്റെ അറസ്റ്റ് രേഖപ്പെടുത്തി. മൂന്ന് ദിവസത്തെ ചോദ്യം ചെയ്യലിന് ശേഷമാണ് അറസ്റ്റ് രേഖപ്പെടുത്തിയത്. കോടതി മുൻകൂർ ജാമ്യം അനുവദിച്ചിരുന്നതിനാൽ അറസ്റ്റ് രേഖപ്പെടുത്തി അദ്ദേഹത്തെ ജാമ്യത്തിൽ വിട്ടയച്ചു. ഒരു ലക്ഷം രൂപയുടെ രണ്ട് ആൾ ജാമ്യത്തിലാണ് കോടതി ജാമ്യം അനുവദിച്ചത്. കേസിൽ ഒന്നാം പ്രതിയാണ് ഐ സി ബാലകൃഷ്ണൻ.

വ്യാഴാഴ്ച മുതൽ അന്വേഷണ ഉദ്യോഗസ്ഥർ ഐ സി ബാലകൃഷ്ണനെ വിശദമായി ചോദ്യം ചെയ്തു വരികയായിരുന്നു. കോടതിയുടെ ഉത്തരവിനെ തുടർന്ന് മൂന്ന് ദിവസമാണ് അദ്ദേഹത്തെ കസ്റ്റഡിയിൽ ചോദ്യം ചെയ്യാൻ അനുമതി ലഭിച്ചത്. വ്യാഴാഴ്ച ആറ് മണിക്കൂറോളം ചോദ്യം ചെയ്യൽ നീണ്ടുനിന്നു. വെള്ളിയാഴ്ച രാവിലെ പത്ത് മണിയോടെ കൽപ്പറ്റ പുത്തൂർവയലിലെ പൊലീസ് ക്യാമ്പിൽ ഹാജരായ ബാലകൃഷ്ണനെ ഉച്ചയ്ക്ക് ഒരു മണി വരെ കസ്റ്റഡിയിൽ വെച്ച് ചോദ്യം ചെയ്തു. ശനിയാഴ്ച വീണ്ടും ചോദ്യം ചെയ്യലിന് ഹാജരായപ്പോഴാണ് അറസ്റ്റ് രേഖപ്പെടുത്തിയത്.

ബത്തേരി അർബൻ ബാങ്കിലെ പാർട്ട് ടൈം സ്വീപ്പർ തസ്തികയിൽ നിന്ന് എൻ എം വിജയൻ്റെ മകനെ പിരിച്ചുവിട്ടതിലും മറ്റൊരാളെ നിയമിച്ചതിലും പങ്കുണ്ടെന്നാണ് ഐ സി ബാലകൃഷ്ണനെതിരെയുള്ള ആരോപണം. ഇതിന് പ്രതിഫലമായി പണം കൈപ്പറ്റിയതായി വിജയൻ്റെ ആത്മഹത്യാക്കുറിപ്പിൽ പരാമർശമുണ്ടായിരുന്നു. കസ്റ്റഡിയിലിരിക്കെ വെള്ളിയാഴ്ച ഉച്ചയ്ക്ക് ഒന്നരയോടെ അന്വേഷണ സംഘം ഐ സി ബാലകൃഷ്ണന്റെ കേണിച്ചിറയിലെ വീട്ടിലും റെയ്ഡ് നടത്തിയിരുന്നു.

കേസിലെ മറ്റ് പ്രതികളായ ഡിസിസി പ്രസിഡന്റ് എൻ ഡി അപ്പച്ചൻ, മുൻ ട്രഷറർ കെകെ ഗോപിനാഥൻ എന്നിവരെയും നേരത്തെ അറസ്റ്റ് ചെയ്ത് ജാമ്യത്തിൽ വിട്ടയച്ചിരുന്നു. എൻ എം വിജയന്റെ ആത്മഹത്യാക്കുറിപ്പിൽ പരാമർശിക്കപ്പെട്ടിട്ടുള്ള കാര്യങ്ങളെ അടിസ്ഥാനമാക്കിയാണ് പൊലീസ് അന്വേഷണം മുന്നോട്ട് പോകുന്നത്.

ഈ വാർത്ത പങ്കുവെച്ച് അഭിപ്രായങ്ങൾ രേഖപ്പെടുത്തുക.

IC Balakrishnan MLA was arrested in connection with the death of NM Vijayan, the Wayanad DCC Treasurer, after three days of questioning. The case continues to unfold based on the Death note.
#ICBalakrishnan #Wayanad #Congress #Arrest #Investigation #DeathNote

ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia