കാക്കനാട്: (KVARTHA) ടൊവിനോ തോമസ് നായകനായ എ.ആർ.എം. എന്ന സിനിമയുടെ വ്യാജ പതിപ്പ് നിർമ്മിച്ച് പ്രചരിപ്പിച്ച കേസിൽ പ്രതികളെ കണ്ടെത്താൻ കൊച്ചി സൈബർ പൊലീസ് സംഘം ബംഗളൂരിലെത്തി ഒമ്പത് ദിവസം താമസിച്ചു.

ബംഗളൂരിലെ ഗോപാലൻ മാളിലെ തിയറ്ററിൽ രജനികാന്ത് നായകനായ വേട്ടയ്യൻ സിനിമ ഷൂട്ട് ചെയ്ത് പ്രചരിപ്പിച്ച സംഘത്തെയാണ് പൊലീസ് പിടികൂടിയത്. ഈ സംഘം സിനിമ റിലീസ് ചെയ്ത ദിവസം തന്നെ തിയറ്ററുകളിൽ എത്തി സിനിമ ഷൂട്ട് ചെയ്ത് സോഷ്യൽ മീഡിയയിൽ പ്രചരിപ്പിക്കുകയും പണം സമ്പാദിക്കുകയും ചെയ്യുന്ന രീതിയിലായിരുന്നു പ്രവർത്തിച്ചിരുന്നത്.

കോയമ്പത്തൂരിൽ എ.ആർ.എം. സിനിമയുടെ വ്യാജ പതിപ്പ് ഷൂട്ട് ചെയ്ത സംഭവത്തെ തുടർന്നുള്ള അന്വേഷണത്തിൽ, പ്രതികള്‍ എ.ആർ.എം സിനിമയുടെ വ്യാജപതിപ്പ് ഷൂട്ടുചെയ്യുമ്ബോള്‍ സിനിമ കാണാനുണ്ടായിരുന്നത് ആറുപേർ മാത്രമായിരുന്നു. സിനിമ കണ്ട ആറുപേരുടെയും ടിക്കറ്റ് ബുക്കിംഗ് വിവരങ്ങൾ പരിശോധിച്ചാണ് പൊലീസ് പ്രതികളിലേക്ക് എത്തിച്ചേർന്നത്.

സിനിമകൾ റിലീസ് ചെയ്യുന്ന ദിനങ്ങളിൽ തിയറ്ററുകളിൽ എത്തി വ്യാജ പതിപ്പുകൾ നിർമ്മിച്ച് പ്രചരിപ്പിക്കുന്നത് വഴി ലക്ഷങ്ങൾ സമ്പാദിക്കുന്ന ഒരു സംഘം പ്രവർത്തിക്കുന്നുണ്ടെന്നാണ് പൊലീസിന്റെ നിഗമനം. നേരത്തെ, ഗുരുവായൂർ അമ്പലനടയിൽ സിനിമയുടെ വ്യാജ പതിപ്പ് പ്രചരിപ്പിച്ച കേസിൽ ജെബ സ്റ്റീഫൻ രാജിനെ കൊച്ചി സിറ്റി സൈബർ പൊലീസ് അറസ്റ്റ് ചെയ്തിരുന്നു.

ഈ സംഘം മലയാളം, കന്നട, തമിഴ് ചിത്രങ്ങൾ റിലീസ് ചെയ്യുമ്പോൾ ചിത്രങ്ങളുടെ വ്യാജ പതിപ്പ് നിർമ്മിച്ച്‌ സോഷ്യൽ മീഡിയ, ടെലഗ്രാം, തമിഴ് റോക്കേഴ്‌സ് വെബ്‌സൈറ്റുകൾ വഴി പ്രചരിപ്പിച്ച്‌ പണസമ്പാദനം നടത്തുകയാണ് ചെയ്യുന്നത്.

#FilmPiracy #CyberCrime #ARM #MovieIndustry #LawEnforcement #Bengaluru