നടൻ ദർശന്റെ ഭാര്യ വിജയലക്ഷ്മി താമസിക്കുന്ന വീട്ടിൽ മോഷണം: മൂന്നുലക്ഷം രൂപ കാണാതായതായി പരാതി

ബംഗളൂരു: (KVARTHA) രേണുകാസ്വാമി കൊലക്കേസിൽ ജുഡീഷ്യൽ റിമാൻഡിൽ ജയിലിൽ കഴിയുന്ന നടൻ ദർശന്റെ ബംഗളൂരിലെ വീട്ടിൽ മോഷണം നടന്നതായി പരാതി. ദർശന്റെ ഭാര്യ വിജയലക്ഷ്മി താമസിക്കുന്ന ഹൊസകെരെഹള്ളി പ്രസ്റ്റീജ് അപ്പാർട്ട്‌മെന്റിലാണ് സംഭവം.

കിടപ്പുമുറിയിൽ സൂക്ഷിച്ചിരുന്ന മൂന്നുലക്ഷം രൂപ കാണാതായെന്ന് വിജയലക്ഷ്മി പറഞ്ഞു. മൈസൂരിൽ പോയി തിരിച്ചുവന്നപ്പോഴാണ് പണം കാണാനില്ലെന്ന് മനസ്സിലാക്കിയതെന്നും പരാതിയിൽ പറയുന്നു.

വീട്ടിലെ ജോലിക്കാരെ ചോദ്യം ചെയ്‌തെങ്കിലും ഇതുസംബന്ധിച്ച് തുമ്പൊന്നും ലഭിച്ചിട്ടില്ല. അപ്പാർട്ട്‌മെന്റ് മാനേജർ നൽകിയ പരാതിയിൽ ചെന്നമ്മനകെരെ അച്ചുകാട്ടു പൊലീസ് കേസെടുത്തു.

ദർശന് ഹൈകോടതി അനുവദിച്ച ജാമ്യം സുപ്രീം കോടതി റദ്ദാക്കിയതിനെത്തുടർന്ന് അദ്ദേഹത്തെ വീണ്ടും പരപ്പന അഗ്രഹാര സെൻട്രൽ ജയിലിൽ പ്രവേശിപ്പിച്ചിരിക്കുകയാണ്.

ഈ വാർത്തയെക്കുറിച്ചുള്ള നിങ്ങളുടെ കാഴ്ചപ്പാട് എന്താണ്? നിങ്ങളുടെ സുഹൃത്തുക്കളുമായി പങ്കുവെയ്ക്കൂ.

Article Summary: Actor Darshan's house in Bengaluru robbed; Rs 3 lakh stolen.

#Darshan #Bengaluru #Robbery #KeralaNews #CrimeNews #Karnataka