കണ്ണൂർ: (KVARTHA) സമസ്ത കേരള സുന്നീ യുവജന സംഘം സംസ്ഥാന പ്രസിഡന്റും കോഴിക്കോട് മർകസ്, മർകസ് നോളജ് സിറ്റി തുടങ്ങിയ വിദ്യാഭ്യാസ സ്ഥാപനങ്ങളുടെ ഡയറക്ടറുമായ ഡോ. മുഹമ്മദ് അബ്ദുൽ ഹകീം അസ്ഹരിക്കെതിരെ സമൂഹമാധ്യമമായ ഫേസ്ബുക്കിലൂടെ കൊലവിളി നടത്തിയ ആൾക്കെതിരെ പോലീസ് കേസെടുത്തു. 

സമീർ ഒ.വി.ക്കെതിരെയാണ് ചക്കരക്കൽ പോലീസ് കേസ് രജിസ്റ്റർ ചെയ്തത്. ഇയാൾ നിലവിൽ ഒമാനിൽ ജോലി ചെയ്യുകയാണ്. എസ്.വൈ.എസ്. സംസ്ഥാന സെക്രട്ടറി സിദ്ദീഖ് സഖാഫി നേമം ക്രൈം ബ്രാഞ്ച് ഡി.ജി.പി. ആർ. വെങ്കിടേശിന് നൽകിയ പരാതിയുടെ അടിസ്ഥാനത്തിലാണ് പോലീസ് നടപടി. 

സമീർ ഒ.വി.കൈകാര്യം ചെയ്യുന്ന 'സമീർ ഒ വി പാളയം കണ്ണൂർ' എന്ന ഫേസ്ബുക്ക് അക്കൗണ്ടിലൂടെയായിരുന്നു ഭീഷണി സന്ദേശം. എ.പി. അബ്ദുൽ ഹക്കീം അസ്ഹരിയെ ഒറ്റയടിക്ക് കൊല്ലുന്നവന് പല്ലിയെ കൊന്ന കൂലി കിട്ടുമോ എന്നായിരുന്നു ഇയാളുടെ വിവാദ പോസ്റ്റ്. 

ഭാരതീയ ന്യായ സംഹിതയിലെ 192, 351 (2) എന്നീ ജാമ്യമില്ലാ വകുപ്പുകൾ പ്രകാരമാണ് കേസ് എടുത്തിരിക്കുന്നത്. എഫ്.ഐ.ആർ. രജിസ്റ്റർ ചെയ്തതിനു ശേഷം സമീർ ഒ.വി. തൻ്റെ ഫേസ്ബുക്ക് അക്കൗണ്ടിൽ നിന്നും ഈ പോസ്റ്റ് ഉൾപ്പെടെ സമീപകാലത്തെ മറ്റു പോസ്റ്റുകളും നീക്കം ചെയ്തതായി കാണുന്നു.

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ രേഖപ്പെടുത്തുക. കൂടുതൽ പേരിലേക്ക് എത്തിക്കാൻ ഷെയർ ചെയ്യുക. 

Article Summary: Kerala Police registered a case against an Oman resident, Sameer O.V., for issuing a death threat against Dr. Abdul Hakeem Azhari, president of Samastha Sunni Yuvajana Sangham, on Facebook. The case was filed based on a complaint by SYS state secretary under non-bailable sections of the Indian Penal Code. The accused's controversial post has been removed.
 

#DeathThreat, #KeralaNews, #AbdulHakeemAzhari, #PoliceCase, #SocialMediaCrime, #Oman