ന്യൂഡല്‍ഹി: (KVARTHA) ബലാത്സംഗ കേസിൽ അറസ്റ്റിലായ പഞ്ചാബിലെ എഎപി എംഎൽഎ ഹർമീത് പഠാൻമാജ്ര പോലീസ് കസ്റ്റഡിയിൽ നിന്ന് രക്ഷപ്പെട്ടു. പോലീസിന് നേരെ വെടിവെച്ച ശേഷമാണ് ഇയാൾ രക്ഷപ്പെട്ടതെന്നാണ് വിവരം. ഹരിയാനയിലെ കർണാലിൽ വെച്ചാണ് പോലീസ് അദ്ദേഹത്തെ അറസ്റ്റ് ചെയ്തത്.

അറസ്റ്റിന് ശേഷം എംഎൽഎയും കൂട്ടാളികളും ചേർന്ന് പോലീസിന് നേരെ വെടിയുതിർക്കുകയും ഒരു ഉദ്യോഗസ്ഥനെ വാഹനം ഇടിപ്പിച്ച് പരിക്കേൽപ്പിച്ച് രക്ഷപ്പെടുകയുമായിരുന്നുവെന്ന് അധികൃതര്‍ പറഞ്ഞു. നിലവിൽ എംഎൽഎയ്ക്കായി പോലീസ് തിരച്ചിൽ ഊർജിതമാക്കി.

അതേസമയം, തനിക്കെതിരായ കേസ് രാഷ്ട്രീയ പ്രേരിതമാണെന്ന് പഠാൻമാജ്ര ഫേസ്ബുക്കിൽ കുറിച്ചു. സ്വന്തം സർക്കാരിനും എഎപി കേന്ദ്ര നേതൃത്വത്തിനുമെതിരെ ശബ്ദമുയർത്തിയതാണ് കേസിന് കാരണമെന്നും അദ്ദേഹം ആരോപിച്ചു. കഴിഞ്ഞ ദിവസം പഞ്ചാബ് സർക്കാരിന്റെ പ്രളയ ദുരിതാശ്വാസ പ്രവർത്തനങ്ങളെ പഠാൻമാജ്ര വിമർശിച്ചിരുന്നു. ഇതിന് പിന്നാലെ അദ്ദേഹത്തിന്റെ സുരക്ഷ പിൻവലിക്കുകയും ചെയ്തിരുന്നു.
 

ഒരു ജനപ്രതിനിധി ഇത്തരത്തിൽ പെരുമാറുന്നത് ശരിയാണോ? നിങ്ങളുടെ അഭിപ്രായം കമന്റ് ചെയ്യുക.

Article Summary: AAP MLA Harmeet Pathanmajra escapes from police custody.

#AAP #MLA #Arrest #Escape #Punjab #Crime