ആക്രി പെറുക്കുന്ന സ്ത്രീയെ കൊലപ്പെടുത്തിയ കേസ്; പ്രതി പിടിയിൽ

കണ്ണൂർ: (KVARTHA) ടൗണിൽ ആക്രി സാധനങ്ങൾ ശേഖരിച്ച് വിൽപന നടത്തിയിരുന്ന സ്ത്രീയെ കൊലപ്പെടുത്തി കടന്നുകളഞ്ഞ പ്രതിയെ പോലീസ് അറസ്റ്റ് ചെയ്തു. ശശി (52) യെയാണ് കണ്ണൂർ ടൗൺ സ്റ്റേഷൻ ഇൻസ്പെക്ടർ ശ്രീജിത് കൊടേരിയുടെ നേതൃത്വത്തിലുള്ള സംഘം പിടികൂടിയത്. 

സംഭവത്തിനു ശേഷം ഒളിവിൽ പോകാൻ ശ്രമിക്കുന്നതിനിടെയാണ് പ്രതി പോലീസ് പിടിയിലായതെന്ന് അധികൃതർ അറിയിച്ചു. തോട്ടട സമാജ് വാദി കോളനിയിലെ താമസക്കാരിയായ സെൽവി (53)യെയാണ് ചൊവ്വാഴ്ച രാവിലെ ദുരൂഹ സാഹചര്യത്തിൽ മരിച്ചനിലയിൽ കണ്ടെത്തിയത്. കണ്ണൂർ പാറക്കണ്ടിയിലെ ബിവറേജ് ഔട്ട്ലെറ്റിന് പിറകുവശത്തെ വരാന്തയിലായിരുന്നു മൃതദേഹം.

സംഭവത്തിൽ പരാതി ലഭിച്ചതിനെ തുടർന്ന് ടൗൺ പോലീസ് കേസെടുത്ത് അന്വേഷണം ആരംഭിച്ചിരുന്നു. തുടർന്ന് നടത്തിയ പോസ്റ്റ്‌മോർട്ടം റിപ്പോർട്ടിലാണ് ഇത് കൊലപാതകമാണെന്ന സൂചന ലഭിച്ചത്. 

ഇതിന്റെ അടിസ്ഥാനത്തിൽ പോലീസ് നടത്തിയ ഊർജിതമായ അന്വേഷണത്തിലാണ് പ്രതിയായ ശശി അറസ്റ്റിലായതെന്ന് അന്വേഷണ സംഘം വ്യക്തമാക്കിയത്.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവയ്ക്കുക. 

Article Summary: Man arrested in Kannur for the murder of a woman ragpicker.

#Kannur #MurderCase #PoliceArrest #Ragpicker #CrimeNews #KeralaPolice