തളിപ്പറമ്പ്: (KVARTHA) ഏഴുവയസ്സുകാരിയെ ലൈംഗികമായി ഉപദ്രവിച്ച 77 വയസ്സുകാരന് 36 വർഷം കഠിന തടവും രണ്ടര ലക്ഷം രൂപ പിഴയും ശിക്ഷ വിധിച്ചു. കെ.പി. ഗോവിന്ദൻ നമ്പ്യാരെയാണ് തളിപ്പറമ്പ് അതിവേഗ പോക്സോ കോടതി ജഡ്ജി ആർ. രാജേഷ് ശിക്ഷിച്ചത്. 

2023 മെയ്, ജൂൺ മാസങ്ങളിലാണ് ഈ അതിക്രമം നടന്നത്. ആറ് കേസുകളിലായിട്ടാണ് ഈ ശിക്ഷ. ഇതിനുപുറമെ, മറ്റൊരു പെൺകുട്ടിയെ പീഡിപ്പിച്ച കേസിൽ ഇയാളെ കണ്ണൂർ പോക്സോ കോടതി അടുത്തിടെ 20 വർഷം കഠിന തടവിന് ശിക്ഷിച്ചിരുന്നു. 

അന്നത്തെ തളിപ്പറമ്പ് ഇൻസ്പെക്ടർ എ.വി. ദിനേശനും എസ്.ഐ പി. യദുകൃഷ്ണനുമാണ് ഈ കേസ് അന്വേഷിച്ച് പ്രതിയെ അറസ്റ്റ് ചെയ്യുകയും കുറ്റപത്രം സമർപ്പിക്കുകയും ചെയ്തത്. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടർ അഡ്വ. ഷെറിമോൾ ജോസ് ഹാജരായി.

ഈ വാർത്ത ഷെയർ ചെയ്യുക, നിങ്ങളുടെ അഭിപ്രായങ്ങൾ രേഖപ്പെടുത്തുക. 

Article Summary: A 77-year-old man was sentenced to 36 years of rigorous imprisonment and fined ₹2.5 lakh by a POCSO court in Thaliparamba for assaulting a seven-year-old girl in May and June 2023. He was already sentenced to 20 years in another similar case.

 #POCSO, #ChildAbuse, #KeralaNews, #Thaliparamba, #CourtVerdict, #Justice